Matiyu 21:15 - Hanunuu

¹⁵ Dapat nagalit ti manga pangulu manughandug hanggan ti manga manugtudlu Kasuguan dahil nakitan nida kay manga binwat makadululaw ag dahil nadnugan nida ti manga anak sa Balay Diyus nanarawagan magkun, “Dayawun ti linahi ni Dabid!”

Matiyu 21:15 Iomraidhean Croise

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Matiyu 20:24

Pagka ti sampulu ka tuludluan nakadnug tunda, magkagalit sida sa kanda duwa magtar-ari.

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Matiyu 21:9

Kayamuan manga tawu ti nagkuyug sa kanya, ti iba mag-una, ti iba magdasun. Nanarawagan sida magkun, “Dayawun ti linahi ni Dabid. Dayawun ti magsitay sa ngaran Panginuun. Dayawun siya una ati sa langit.”

Matiyu 22:42

“Hintay kanyu magkaalaman tungkul sa Pinili Diyus Manugribri pag Hari? Naan ginan pag linahi siya?” Kanda sagut magkun, “Sa kan Dabid ginan.”

Matiyu 26:3

Ti manga pangulu manughandug hanggan ti manga paggurangunun manga Hudiyu nagtiripun ati katpung sa ulian ni Kaipas imaw ti pangulu manughandug.

Matiyu 26:59

Ti manga pangulu manughandug hanggan ti buu Katipunan manga Pinunu naghanap manga kastigus pudilun laban sa kan Hisus hampay masintinsiyahan siya sa kamatayan.

Matiyu 27:1

Pagka surip, nagpululungan ti tanan manga pangulu manughandug hanggan ti manga paggurangunun manga Hudiyu laban sa kan Hisus hampay siya matyun.

Matiyu 27:20

Ti kayamuan tawu waydi pagpakaudyukan manga pangulu manughandug hanggan manga paggurangunun manga Hudiyu hampay pamuhunun sa kan Pilatu si Barabas ti ipalpas ag si Hisus ti ipamatay.

Matiyu 9:27

Pagka nighit maan si Hisus siyun ginan pag rugar, may nagkuyug sa kanya duwa ka lalaki buta. Magtawag sida magkun, “Kawu duy ti linahi ni Dabid, kaawai nimu kami.”

Markus 11:18

Nadnugan diman tunda manga pangulu manughandug hanggan manga manugtudlu Kasuguan. Siyun ginan naghanap sida paraan hampay kanda ipamatay si Hisus. Magkadala sida sa kanya dahil ti tanan tawu nadulaw sa kay adal.

Lukas 20:1

Nanudlu maan si Hisus ag ipinaliwanag niya ti Mayad pag Barita sa manga tawu sa sulud Balay Diyus. Bag-u nagpakarani ti manga pangulu manughandug, ti manga manugtudlu Kasuguan hanggan ti manga paggurangunun manga Hudiyu,

Lukas 22:2

Pag-isipan yi manga pangulu manughandug hanggan manga manugtudlu Kasuguan nu kabitay kanda maipapatay si Hisus. Dahil magkadala sida sa manga tawu.

Lukas 22:66

Pagka nasirang yi nagtiripun ti manga paggurangunun manga Hudiyu hanggan ti manga pangulu manughandug hanggan ti manga manugtudlu Kasuguan. Bag-u apinaatubang nida si Hisus ati sa kanda Katipunan.

Huwan 11:57

Ti manga pangulu manughandug hanggan ti manga Parisiyu nagbilin sa manga tawu magkun, “Nu may tawu nakaalam nu naan si Hisus, kailangan itudlu niya sa kanmi hampay kanmi dakpun siya.”

Huwan 12:19

Nakan nagharampangan ti manga Parisiyu magkun, “Bantayi duy niyu, udyi gid may mabuwat kita. Malu, ti tanan tawu napaminsan ngap sa kanya.”

Huwan 4:1

Nabaritaan manga Parisiyu mayamu man pag manga tawu ti magsunud ag itinulbaw ni Hisus balaw lang ga kan Huwan.

Huwan 7:42

Isinurat kabay sa Banal Kasuratan ti Pinili Diyus Manugribri pag Hari aban linahi ni Hari Dabid, ianak siya sa banwa Bitlihim, sa kay inulian kaybi ni Dabid.”