Matiyu 20:8 - Hanunuu

⁸ “Pagka malambung yi, magsabi ti may puun ubasan sa kay ingkargadu, ‘Pasitaya nimu ti manga nagtarabahu, pakan-an nimu sida kanda upa. Pakan-an dap nimu ti manga nauryan bag-u ti manga un-an.’

Matiyu 20:8 Iomraidhean Croise

Gimpuunan 15:2

Dapat magkun si Abram, “Panginuun Diyus, hintay kay pulus kanmu pirimyu sa kangku nu tugka taynguna unman aku may anak. Kang manugmana lang si Iliyisir taga Damasku.

Gimpuunan 43:19

Nakan nagpakihampang sida sa manugpamahala pag suruguun habang ati di waya sida sa may sabian balay.

Libitiku 19:13

Danga niyu pagdayaa aw ngatay pagtakawi kanyu kaparihu. Danga yi niyu pagpaaldawan ti pagpakaun upa sa tawu pinatarabahu niyu.

Matiyu 20:7

Sinabi nida sa kanya magkun, ‘Dahil unman may pinmatarabahu sa kanmi.’ Sinabi niya sa kanda magkun, ‘Pag-atag kamu sa ubasan.’

Matiyu 20:9

Nagpakarani ngani ti manga inupahan pagka malambung yi, ti kada tawu tinmanggap angay sa napagkasunduan pag halaga.

Matiyu 25:19

“Pagka dugay pag timpu nagluwang maan kay amu tunda pag manga panawuhun bag-u kay inusisa ti kuwarta sa kanda.

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Lukas 10:7

Pagsiyun dapu kamu sa balay tunda, pagkaun pag-inum una hintay kanda ihayin sa kanyu, dahil kailangan suhulan ti manugbuwat. Danga kamu pahalin-halin sa usa ka balay tag sa usa ka balay.

Lukas 12:42

Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

Lukas 8:3

Hanggan si Huwana, kay asawa ni Kusa, kay katiwala ni Hirudis. Hanggan si Susana ag mayamu waya ti iba babayi siyun ti nag-asikasu sa kanda ni Hisus, kanda ginamit kanda sadili kasiyunan.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Diyuturunumiyu 24:15

Bayadi siya sa sinirang pag upahan sa unman waya mag-isangday ti init dahil pugri siya ag magsarig siya sa kay kabaydanan. Dahil nu unman, barang mandangup siya sa Panginuun laban sa kanmu, ag isipun inda kanmu kasalanan.

Titu 1:7

Kailangan gid unman may ikasabi sa manug-asiwa iglisya. Ti manug-asiwa iglisya imaw ti piniyaran buruwatun Diyus. Kailangan siya unman palabi-labihun, unman waydi arisgadu, balaw maglangu, balaw magalitun, balaw daluk,

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 4:10

Pagmatinupadun kamu pag manga piniyaran manga tuhay-tuhay pag kaayadan Diyus. Gamita niyu kanyu tinanggap ayaw-ayaw hampay mapakinabangan tanan patar-ari.

Rut 2:6

Sinmagut kay piniyaran, “Usa duy siya ka Muabita kinmuyug sa kan Nuymi sa kay pagbalik ginan sa Muab.