Matiyu 20:22 - Hanunuu

²² Dapat ay sinabi ni Hisus sa kanda ni Huwan ni Santiyagu magkun, “Unman niyu naintindihan ti kanyu pagpamuhunun. Kaya aw mainman niyu ti ungut may kakurian arani yi kang inman aban?” Magkun sida sa kanya, “Kaya duy nimi mainman.”

Matiyu 20:22 Iomraidhean Croise

Kanta 75:3

Nu matandug ti kalibutan ag takigan sa dala ti manga mag-uli siyun, aku ti manparig-un sa kay patakinan kalibutan.

Kabagawan 16:18

Ti pagpadayaw-dayaw tawu makapadamhak sa kanya.

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Hirimyas 49:12

Magkun waya ti Panginuun, “Nu ti manga unman may kasalanan nag-agwanta, kamu waya aw? Pihu yi parusahan kamu.

Matiyu 26:35

Dapat sinabi gid ni Pidru sa kanya, “Una waya sa kamatayan damayan gid niku kawu, balaw gid niku kawu itanggi.” Katunda diman ti sinabi tanan manga tuludluan.

Matiyu 26:39

Pagka napakarayu siya diit, napadapa siya nagdarangin magkun, “Amang, nu mahimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti kailangan masunud.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Matiyu 26:56

Dapat nangyari inda tanan hampay matupad ti isinurat manga purupita.” Bag-u naglinayas yi ti manga tuludluan, tinayakan yi lang usa-usa si Hisus.

Markus 14:36

Sinabi niya, “Amang duy, kaya nimu mabuwat ti tanan bagay. Ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti masunud.”

Lukas 12:50

May paglakawan waya aku aban usa ka tulbaw. May kabuyatan gid aku sa kang tagipusuun hanggan sa udwaya matupad kang tulbaw.

Lukas 22:42

magkun, “Amang, nu gustu nimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud, nu unman kanmu di gid ti masunud.”

Huwan 18:11

Sinabi ni Hisus sa kan Pidru magkun, “Suulan yi duy nimu kanmu baladaw. Dayuun aw lugud inmun niku inda pag ungut may kakurian kay ipinakaun Ama sa kangku?”

Ruma 8:26

Katunda diman kita manga malumuy pag-awatan di Ispiritu. Dahil nu kita magdarangin kurang kita sa kanta mag-intindi. Nakan ti Ispiritu magdarangin para sa kanta balaw kay pag-ibungat, may ga arunghung sa basad tagipusuun.

Santiyagu 4:3

Una kamu maghagad balaw waydi kamu pakan-an dahil daut kanyu turunu. Nakan kamu maghagad para gamitun angay lang sa kanyu sadili daut kagustuhan.