Biblia Todo Logo
Bìoball air-loidhne

- Sanasan -




Matiyu 20:19 - Hanunuu

19 Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Faic an caibideil Dèan lethbhreac




Matiyu 20:19
30 Iomraidhean Croise  

Unman sida may pulus ag unman may magkilala sa kanda, ag pinalayas sida gin sa kanda daga.


Parihu sa manga balaw maka-diyus maraibgun magpamuya, pagkadat-an nida aku.


Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.


Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.


Parihu kita sa namatay kay buhiun uman. Balaw dumugay bangunun niya kita, ag mangabuhi kita sa kay atubangan.


Nu kabitay si Hunas sa sulud tulu ka yabi tulu ka sirang sa basad tiyan laun pag isda, katunda diman ti Anak Tawu aban sa tinaguktukan batu sa sulud tulu ka yabi tulu waydi ka sirang.


Siyun ginan ipinaalam yi ni Hisus sa kay manga tuludluan kailangan siya umati sa Hirusalim. Pagka ati pakurian siya masyadu manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat sa ikatlu pag sirang mabuhi maan siya uman.


bag-u kanda matyun siya, dapat mabuhi maan siya sa ikatlu pag sirang.” Pagka nadnugan nida tunda, masyadu sida nagruku.


Bag-u pinalpasan ni Pilatu si Barabas, dapat ipinagaruti niya si Hisus, bag-u ipinakaun sa sundalu hampay ipaku sa kurus.


Sinabi nida, “Naalaala duy nimi pagka siya buhi waya, sinabi tunda pag magpanaguabi magkun, nu lawuy tulu ka sirang mabuhi siya uman.


Bag-u ti iba sa kanda nagbuga sa kan Hisus. Tinakluban nida kay mata bag-u kanda sinuntuk siya magkun, “Hulaan nimu, si unu ti nagsuntuk sa kanmu?” Pagka iinintirga yi si Hisus sa manga bantay, nagsuntuk diman waydi sida sa kanya.


Pagka surip, nagpululungan dapu ti manga pangulu manughandug, ti manga paggurangunun manga Hudiyu, ti manga manugtudlu Kasuguan hanggan ti Katipunan manga Pinunu. Bag-u kanda pinagapus si Hisus, kanda dinara, ipinabahala yi sa kan Pilatu.


Sa kay gustu ni Pilatu pasibut-an ti manga kagustuhan tawu, nakan pinalpasan niya si Barabas. Dapat ipinagaruti niya si Hisus bag-u ipinakaun niya sa manga sundalu hampay ipaku sa kurus.


Dahil ipabahala siya sa manga balaw Hudiyu, surugun, pauyaun, bug-anan siya,


Minsan sa kan Hirudis kay manga sundalu inurug nida si Hisus, kanda hinangalhangal. Kanda pinabistihan marinu pagka rutay bag-u ipinabalik siya tag kan Pilatu.


Magkun siya sa kanda, “Katunda ngani ti isinurat kailangan maglakaw kakurian ti Pinili Diyus Manugribri pag Hari bag-u sa ikatlu pag sirang mabuhi siya uman ginan sa kay pagkamatay.


Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.


Pagka nag-ati siya sa kanmi, bin-ul niya kan Pablu huragkus bag-u ginapus niya kay sadili lulud hanggan kamang bag-u kay sinabi magkun, “Inda kay pagsabihun Ispiritu Banal magkun, ‘Kainda waydi gapusun aban manga Hudiyu sa Hirusalim ti may apu inda pag huragkus bag-u kanda ipabahala siya sa manga balaw Hudiyu.’ ”


“Dahil tutuu ngani nagkabuu sida ni Hirudis ni Punsiyu Pilatu hanggan ti manga balaw Hudiyu ag ti nasyun Israil sitay sa banwa Hirusalim hampay labanan nida kanmu mahal pag Suruguun si Hisus, imaw ti kanmu Pinili Manugribri pag Hari.


Lean sinn:

Sanasan


Sanasan