Matiyu 20:15 - Hanunuu

¹⁵ Unman aw aku madunung diman kang kagustuhan tungkul sa kang sadili kasiyunan? Maghirak aw kawu sa kanmu magbantay sa kangku dahil aku balaw mairang?’

Matiyu 20:15 Iomraidhean Croise

Pag-ighit 33:19

Sinmagut ti Panginuun, “Ipakakit niku sa kanmu ti tanan kaayadan niku, sambitun niku sa kanmu kang ngaran Panginuun. Pagkaawaan niku ti gustu niku kaawaan.

Kabagawan 23:6

Danga kawu magkaun ngatay magkaibug sa karan-unun inalistu mairang pag tawu, una masarap waya inda.

Kabagawan 28:22

Ti tawu maraibgun sa kuwarta magdali yumaman, dapat unman niya alam kumuri ngap maaw siya.

Hirimyas 18:6

“Malu, nasakupan Israil, balaw aw mabwat niku sa kanyu ti pagbuwatun manugpanday anglit sa inda pag pinkul daga? Nu kabitay ti pinkul daga sa kamang manugpanday anglit, kamu sa manga kamang diman niku.

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Matiyu 20:14

Bul-a yi nimu kam upa, pag-uli yi kawu. Gustu niku pakan-an ti manga nauryan parihu sa kanmu diman.

Matiyu 6:23

Dapat ay nu madlum kanmu mata, madulman ti buu nimu ginhawa. Nakan nu ti rayaw sa kanmu nagbaliw madulum, pingit yi pag dulum.”

Markus 7:22

ti magpamabayi, ti magpanlalaki, ti maghirak, ti manga kadautan, ti magdaya, ti pasay daut pag kagustuhan, ti daut pag naisipan ginan sa kahirakan, ti manga magmuransa, ti palabi-labihun, ti kalukuhan.

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

Binwat 13:45

Dapat ay pagka nakitan manga Hudiyu ti kayamuan gid tawu, naghirak gid sida nakan pinahimudil lang nida kay manga pagsabihun ni Pablu, minura waya nida siya.

1 Kurintu 4:7

Hintay ti nagsabi sa kanyu kuntay kamu mayad man sa manga iba? Unman kamu may imaw nu unman ipinakaun Diyus. Dapat nu ipinakaun Diyus sa kanyu hayga pag-ipadayaw-dayaw niyu ga unman may nagpakaun sa kanyu?

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:5

Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Diyuturunumiyu 15:9

Danga kamu mag-isip daut, kuntay arani yi ti ikapitu pag timpu, ti timpu nu naan pag patawadun yi ti manga utang, balaw yi lang kamu manpautang sa kanyu kasimanwa pugri. Nu manhagad awat inda pag pugri tawu sa Panginuun dahil sa kanyu binuwat, may saragtun kamu.

Diyuturunumiyu 28:54

Una waya ti mabuut ag maalumanay pag tawu unman yi may pangaawa sa kay patar-ari, sa kay pagmahalun pag asawa, hanggan sa kay nasawad pag manga anak.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.

Santiyagu 5:9

Danga kamu maghirinanakitan, manga patar-ari, barang kamu pihuun Diyus kanyu daut kanyu mayad, dahil udyi dugay rumas-ug yi ti Manugpihu.