Matiyu 20:12 - Hanunuu

¹² magkun, ‘Inda pag manga nauryan usa lang ka tamaan ginatung kay kadugay kanda tarabahu, bati hayga ipinaparihu nimu kay upa sa kanmi? Inagwanta nimi ginan surip ti init hanggan malambung, madala yi mapali kanmi dayu.’

Matiyu 20:12 Iomraidhean Croise

Hunas 4:8

Pagka sinminggit ti init, pinahuyup Diyus ti mainit pag durus ginan sa butlakan. Ga malipung si Hunas pagka nasinggitan init kay ulu. Gustu niya mamatay yi lang, nakan magkun siya, “Mayad waya ti namatay yi lang aku kaysa mabuhi waya.”

Malakyas 1:13

Magkun waya kamu magsuku yi kamu sa kanyu maghandug sa kangku, ag pag-ipasipala niyu kang harandugan. Nakan maaw pagsagdahan niyu aku manga hayup may garis, pilay ngatay may sakit. Kanyu aw isip tanggapun niku tunda?

Malakyas 3:14

Magkun kamu, ‘Unman may kabuluhan ti magsirbi sa Diyus. Unu lugud kanta matanggap nu tupadun nita kay manga pag-ipabuwat sa kanta? Ag unu kanta matanggap nu manlakaw kita may karukuan sa pagpakakit sa Panginuun Makamaskihan kuntay mag-ampu kita sa kanta manga kasalanan?

Matiyu 20:11

Pagka kanda tinanggap, naghampang sida laban sa may puun ubasan,

Lukas 12:55

Nu makitan niyu ti durus maghuyup ginan sa salatan, sumabi kamu, ‘Magbadbaray yi aban ti init,’ ag dumayun ngap.

Ruma 3:27

Hintay nangus kanta ipadayaw-dayaw? Unman duy may ipadayaw-dayaw kita. Hayga unman? Dahil lang aw nguna sa kanta nagtupad sa Kasuguan? Bukun ay, nu unman dahil sa kanta pagsarig sa kan Kiristu.

Ruma 3:30

Kabay usa-usa ti Diyus. Una ti manga Hudiyu una ti manga balaw Hudiyu, nu sida sumarig sa kan Kiristu, pagkilalan-un yi sida Diyus kuntay sida manga matadlung.

1 Kurintu 4:11

Taynguna tugka kami magkalun-us di ag magkauwaw, manga daut yi kanmi rutay, sinampal waya kami, unman may turunu ulian.

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Santiyagu 1:11

Ti ilamnun magkalayung pagka nasinggitan masyadu pag init. Magkarugnas kay busang, magpud-as kay rinu. Katunda diman waydi ti mayaman ud umapas sa asikasu sa kay kayamanan hanggan sa ud mamatay siya.