Matiyu 2:4 - Hanunuu

⁴ Nakan tinipun niya ti tanan manga pangulu manughandug hanggan ti manga manugtudlu Kasuguan, bag-u pinaingana niya sa kanda nu naan pag ianak ti Kiristu.

Matiyu 2:4 Iomraidhean Croise

2 Krunika 34:15

Ibinarita niya sa kan Sapan, imaw ti manugsurat hari, kuntay nakitan niya ti Ribru Kasuguan sa Balay Diyus Panginuun. Pagkatapus, ipinakaun niya inda sa kan Sapan,

2 Krunika 36:14

Katida diman ti tanan pangulu manughandug ag ti manga nasakupan unman nagbaliw matinupadun sa Diyus. Sinunud nida ti mayagting pag manga pagbuwatun iba pag manga nasyun ag inuringan nida ti Balay Diyus Panginuun, pag itigana banal sa Hirusalim.

Isra 10:5

Nakan tinmindug si Isra, ipinataratu niya ti manga takinan pag manga manughandug, ti manga Libita, hanggan ti tanan Israilita, kuntay buwatun nida ti sinabi ni Sikanyas. Ag nanaratu ngani sida.

Kanta 2:2

Ti manga hari hanggan ti manga takinan sa kalibutan nagmirinsanan, nag-alistu hampay lumaban sa Panginuun hanggan sa kay pinili pag hari.

Hirimyas 8:8

Kabitay niyu magkasabi kuntay madunung kamu, dahil aw alam niyu ti manga kasuguan Panginuun? Kay tutuu, binag-u tida niyu manga manugtudlu.

Malakyas 2:7

“Sa tutuu lang, kamu ti manga manughandug, katungkulan niyu ti magtudlu sa manga tawu hampay maalaman nida ti tungkul sa kangku. Ag kailangan diman magpatudlu sida sa kanyu dahil kamu kang manga manugbarita.

Matiyu 13:52

Magkun siya sa kanda, “Nakan ngani ti kada manugtudlu Kasuguan nu tuludluan siya sa kaharian langit, parihu siya sa usa ka may puun balay bumulwat manga bag-u pag bagay may daan ginan sa kay hamnuan.”

Matiyu 2:3

Pagka nadnugan inda ni Hari Hirudis, naaburidu siya hanggan ti buu Hirusalim.

Matiyu 2:5

Sinabi nida sa kanya magkun, “Sa Bitlihim sa daga Hudiya, dahil kainda kay isinurat purupita magkun,

Matiyu 21:15

Dapat nagalit ti manga pangulu manughandug hanggan ti manga manugtudlu Kasuguan dahil nakitan nida kay manga binwat makadululaw ag dahil nadnugan nida ti manga anak sa Balay Diyus nanarawagan magkun, “Dayawun ti linahi ni Dabid!”

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Matiyu 26:3

Ti manga pangulu manughandug hanggan ti manga paggurangunun manga Hudiyu nagtiripun ati katpung sa ulian ni Kaipas imaw ti pangulu manughandug.

Matiyu 26:47

Magbagaw di waya si Hisus, nagras-ug yi si Hudas, usa sa sampulu may duwa. May kaibahan siya mayamu tawu may dara manga baladaw, manga pamakul. Sinugu sida manga pangulu manughandug hanggan manga paggurangunun manga Hudiyu.

Matiyu 27:1

Pagka surip, nagpululungan ti tanan manga pangulu manughandug hanggan ti manga paggurangunun manga Hudiyu laban sa kan Hisus hampay siya matyun.

Matiyu 7:29

Dahil nagtudlu siya ga usa ka tawu may karampatan, balaw ga kanda manugtudlu Kasuguan.

Markus 8:31

Siyun ginan nag-umpisa magtudlu si Hisus sa kay manga tuludluan magkun, ti Anak tawu kailangan mag-agwanta mayamu pag kakurian. Dayuun siya aban manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat ay pagka lawuy yi tulu ka sirang, mabuhi maan siya uman.

Lukas 20:19

Ti manga manugtudlu Kasuguan hanggan ti manga pangulu manughandug naghanap paraan hampay madakup si Hisus ati katpung, dahil nasalman nida sida ti pinatamaan sa kay pahalimbawa niya. Dapat nadala sida sa manga tawu.

Lukas 23:10

Ti manga pangulu manughandug ag ti manga manugtudlu Kasuguan nagtindug bag-u mahigpit masyadu kanda pagsumbung sa kan Hisus.

Huwan 18:3

Nakan nag-ati sa halamanan si Hudas may taban usa ka gurupu sundalu taga Ruma, hanggan manga guwardiya ginan sa manga pangulu manughandug ag sa manga Parisiyu. May dara sida manga sulu hanggan manga armas.

Huwan 3:10

Sinmagut si Hisus magkun, “Kawu duy kabay manugtudlu sa Israil? Hayga unman magkasalman nimu inda pag manga katutuuhanan?

Huwan 7:32

Naalaman manga Parisiyu ti sarabihun manga tawu tungkul sa kan Hisus, nakan sida hanggan ti manga pangulu manughandug nagpasugu sa manga guwardiya nida hampay kanda dakpun si Hisus.

Huwan 8:3

Bag-u may nagluwang diman manga manugtudlu Kasuguan hanggan manga Parisiyu may dara usa ka babayi dinakup katpung magpanlalaki, kanda ipinaatubang sa manga tawu.

Binwat 23:9

Nakan nanriringgitan yi gid sida. Pagka dugay may tinmindug manga manugtudlu Kasuguan, manga Parisiyu waydi. Mahigpit sida nangatadlungan magkun, “Unman gid may nakitan kami kasalanan sa inda pag tawu. Barang ungud may nagbagaw sa kanya una anghil una ispiritu.”

Binwat 4:5

Pagka surip nagtiripun sa Hirusalim ti manga pangulu manughandug, ti manga paggurangunun manga Hudiyu hanggan ti manga manugtudlu Kasuguan.

Binwat 6:12

Isinumbung nida si Istiban sa manga tawu, sa manga paggurangunun manga Hudiyu hanggan sa manga manugtudlu Kasuguan. Bag-u kanda dinusmugan si Istiban, kanda dinara tag sa atubangan Katipunan manga Pinunu.