Matiyu 2:13 - Hanunuu

¹³ Pagka ginminan yi tunda pag manga madunung pag tawu, ti usa ka anghil Panginuun napakakit sa kan Husi sa kay tagin-up magsabi, “Pagbangun kawu, daran-a yi ti anak hanggan kay ina, pagpalagiw yi kamu tag sa Ihiptu. Pag-ati dapu kamu hanggan sa ud sumabi maan aku sa kanmu, dahil hanapun ni Hirudis ti anak hampay kay matyun.”

Matiyu 2:13 Iomraidhean Croise

1 Hari 11:17

Dapat si Hadad anak waya ati katpung nakapalagiw siya atabug sa Ihiptu kaibahan ti iba ka manugpamahala taga Idum magsirbi sa kay ama.

1 Hari 3:5

Igu yabi, napakakit sa kanya ti Panginuun sa panab-anan tagin-up. Magkun ti Diyus sa kanya, “Paghagad kawu una hintay kanmu gustu ipakaun niku sa kanmu.”

Hub 33:15

Magbagaw siya sa panab-anan tagin-up habang magkaturug hamuuk ti tawu nu yabi.

Hub 33:17

Pagbuwatun niya inda hampay umapas ti tawu sa pagbuwat salan ag pagpadayaw-dayaw,

Pag-ighit 1:22

Pagka sa uryan, nagsugu ti hari Ihiptu sa tanan niya nasakupan magkun, “Iyamut niyu sa Sapa Nilu ti tanan ilusad pag lapsag lalaki manga Israilita, dapat pabay-ani niyu mabuhi ti manga babayi pag lapsag.”

Matiyu 1:20

Dapat pagka kay pag-isip-isipun waya tunda, ti usa ka anghil Panginuun nagpakakit sa kanya sa kay tagin-up. Magkun ti anghil, “Husi, kawu linahi ni Dabid, danga kawu magkadala mag-asawa sa kan Marya, dahil kay buduy ginan sa Ispiritu Banal.

Matiyu 10:23

Nu unu-unuhun kamu manga tawu sa usa ka banwa, pagpalagiw yi kamu tag sa usa maan ka banwa. Ungud duy kang pagsabihun sa kanyu, unman waya napalibut niyu ti tanan pag manga banwa sa Israil, rumas-ug yi aku, ti Anak Tawu.

Matiyu 2:12

Sinabihan sida Diyus sa tagin-up, danga mag-ati lakaw sa kan Hirudis. Nakan sa kanda nuli sa kanda ulian lakaw yi sa usa ka dalan.

Matiyu 2:14

Nakan sa tunda diman gid pag yabi, nagbangun si Husi ag dinara niya ti anak hanggan kay ina atabug sa Ihiptu.

Matiyu 2:16

Pagka naalaman ni Hirudis siya maaw pinudilan manga madunung pag tawu, nagalit siya masyadu. Nagsugu siya manga sundalu kay ipinamatay ti tanan manga anak lalaki sa banwa Bitlihim hanggan sa kay manga kalibut ginan sa lapsag hanggan sa duwa tugka ka timpu angay sa udas kay pinaingana sa manga madunung pag tawu.

Matiyu 2:22

Dapat ay pagka naalaman ni Husi si Arkilaw maan ti maghari sa Hudiya kay ilis niya ama ni Hirudis, nadala siya nakan balaw napatarus tag sa Hudiya. Pagka sinabihan maan siya Diyus sa kay tagin-up, nag-atag siya sa daga Galiliya.

Binwat 10:22

Sinmagut sida magkun, “Kami duy sinugu ngani ni Kapitan Kurnilyu. Mayad siya pag tawu, niabay yi sa surundanun manga Hudiyu. Paggalangun diman siya tanan manga Hudiyu. Sinabihan siya anghil Diyus kawu yi ngani kunu ti ipabuul niya atag sa kay balay hampay makapatingi siya sa kanmu manga pagsabihun.”

Binwat 10:7

Pagka nakatapus kay hampang sa kan Kurnilyu, nighit maan ti anghil. Bag-u bin-ul ni Kurnilyu ti duwa ka masarigan gid niya pag panawuhun hanggan ti usa ka suruguun niya pag sundalu. Tunda pag sundalu parihu ga kan Kurnilyu niabay waydi sa surundanun manga Hudiyu.

Binwat 12:11

Bag-u nahinaw-hinawan si Pidru magkun, “Taynguna alam niku tutuu maaw inda pag nangyari sa kangku. Sinugu Panginuun kay anghil hampay bawiun aku ginan sa kamang ni Hirudis hanggan ginan sa tanan pag-isipun manga Hudiyu kanda buwatun mana sa kangku.”

Binwat 12:7

Kadaka linmuwang ngapu ti usa ka anghil Panginuun, rinmayaw gid sa sulud pirisuhan. Tinaptap niya kay habig ni Pidru, pinulaw niya magkun, “Bangun duy kadali.” Nalagpak ti manga tarikada ginan sa kay manga kamang ni Pidru.

Binwat 16:36

Ipinadakit maan bantay pirisuhan inda pag manga bagaw sa kanda ni Pablu magkun, “Nagbilin ti manga pinunu kamu kunu kailangan palpasan yi. Nakan duy mahimu kamu mighit yi, udyi kamu may pagkadalaan.”

Binwat 5:19

Dapat ay pagka yabi yi binukasan anghil Panginuun ti manga sabian kay ipinalwas sida ginan sa pirisuhan. Bag-u sinabi niya sa kanda magkun,

Binwat 7:19

Dinayu niya kanta linahi. Binilinan niya kanta manga ginurang uyanga kunu nida kanda manga anak hampay balaw mabuhi.

Huswi 3:13

Nu mandipay yi ti manga manughandug may dara Kaban Panginuun makamaskihan sa buu kalibutan, umapas ti bulus danum sa Sapa Hurdan. Inda pag danum ginan sa babaw pumat-ung sa usa ka rugar.”

Huswi 3:17

Matindugan sa karaw-an mamara sapa ti manga manughandug may dara Kaban Kasunduan Panginuun habang magdipay ti tanan nasakupan Israil. Unman sida nighit siyun ginan tugka sa ud nakadipay ti tanan.

Huswi 4:10

Unman inmighit sa karaw-an sapa ti manga manughandug tugka sa natapus manga tawu ti tanan isinugu Panginuun sa kan Huswi, angay diman sa kay isinugu ni Muysis sa kan Huswi.

Huswi 4:18

Nakan napasimang ti manga manughandug sa sapa dara ti Kaban Kasunduan Panginuun. Pagtata nida sa saruy sapa, binmulus maan ti danum ga sa kabag-u diman.

Ipinakakit 12:14

Dapat ti babayi pinakan-an manga pakpak agila daka hampay makalayang siya tabug sa pangawakawaan. Ati siya pag alagaan sa sulud tulu ka timpu may tunga arayu ginan sa ulay.

Ipinakakit 12:4

Linaptik ikug daragun ti ikatlu pag bahagi manga pamgasan sa langit bag-u kay ayinmut tag sa daga. Bag-u tinmuhung ti daragun sa atubangan babayi arani yi manganak hampay kay alakhakun ti lapsag nu milusad.

Ipinakakit 12:6

Dapat ti babayi linmayas atag sa pangawakawaan sa usa ka rugar inalistu Diyus para sa kanya hampay maalagaan siya ati sa sulud usa ka libu may duwa ka gatus may unumpulu ka sirang.