Matiyu 2:11 - Hanunuu

¹¹ Pagka nagsaka sida sa balay, nakitan nida ti anak hanggan kay ina si Marya. Nagyuk-ub sida nagsamba sa anak. Pagka binukasan nida kanda kayamanan, ipinakaun nida sa kanya kanda dara gintu, kamangyan hanggan mira.

Matiyu 2:11 Iomraidhean Croise

Gimpuunan 43:11

Magkun kanda ama, “Nu katida, pagdara kamu pinakamarinu pag kalakal atay ginan sa kanta rugar ag paulian sa kanyu sukadan para ipakaun sa gubirnadur Ihiptu: manga bulung, daykut, panlakay, pamanglu, hanggan manga burak pistasyu ag almindru.

1 Hari 10:10

Bag-u pinakan-an niya si Hari Sulumun manga lima ka tunilada gintu, mayamu pag panlakay hanggan mahalaga pag manga batu. Unman gid may makatupung sa kayamuun panlakay ipinakaun rayna Shiba sa kan Hari Sulumun.

1 Hari 10:2

Rinmas-ug siya sa Hirusalim may kaibahan mayamu tawu, ag may dara siya manga kamilyu punu manga panlakay, mayamu pag gintu, hanggan mahalaga pag manga batu. Pagka nagsampak siya sa kan Sulumun, pinaingana niya si Sulumun sa tanan niya pagkaibgun ipaingana.

Kanta 2:12

Sunda niyu kay pinili pag hari, dahil nu unman, barang kadaka mangisug siya ag rargu ipadamhak niya kamu. Mapalad ti kada tawu maghagad awat sa Panginuun.

Kanta 45:8

Kanmu rutay mabanglu pamanglu mira, aluwi ag kasya. Pagpasulungun kawu tunug manga pamatunug sa kanmu balay hari may magsinglaw pag pamarinu.

Kanta 72:10

Mana ti manga hari sa Tarsis, sa manga puru sa dagat, sa Shiba, ag sa Siba mangayaw sa kanya manga pamakaun sa pagpakakit magpasakup sida sa kanya.

Kanta 72:15

Mana mabuhi siya dugay. Mana pakan-an siya gintu ginan sa Shiba. Mana idarangin siya pag pirmi papaladan Diyus.

Kanta 95:6

Abala kamu, manluhud kita mansamba sa Panginuun ti naglalang sa kanta.

Pag-ighit 30:23

“Pagbuul kawu pinakamayad pag manga panlakay: unum ka kilu mira, tulu ka kilu mabanglu sinamun, tulu ka kilu mabanglu kalamus,

Pag-ighit 30:34

Magkun ti Panginuun sa kan Muysis, “Pagbuul kawu inda pag manga mabanglu pag panlakay, pagpararihu kay kayamu: salung, unika, galbanu ag lunsay kamangyan.

Kanta ni Sulumun 3:6

Si unu nguna inda ti pararas-ugun ginan sa pangawakawaan ga sa madamul pag anus may hungaw mira ag kamangyan — manga pamanglu pag-ipabili manugnigusyu?

Isayas 60:6

Mapnu kanmu daga manga kamilyu manga taga Midyan hanggan manga taga Ipa. Rumas-ug sida sa kanmu ginan sa Shiba may dara manga gintu hanggan manga kamangyan para sambahun ti Panginuun.

Libitiku 6:15

Bawasan manughandug usa ka akup inda pag handug arina may lana, bag-u kay darahun tunda sa harandugan hanggan ti manga kamangyan may lakay arina. Sunugun niya inda bilang pag-alaala sa Panginuun. Kay hungaw tunda pag handug makapasulung gid sa Panginuun.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Bilang 7:86

Ti 12 ka gintu pag tasa punu kamangyan may buyat 120 ka guhit ti kada usa angay sa buyat timbangan paggamitun manga manughandug. Kay kabuuhan timbang inda 1,440 ka guhit.

Matiyu 1:18

Kaindaay kay kapanganakan ni Hisu-Kiristu: Si Marya kay ina ipaasawa yi sa kan Husi. Dapat udwaya sida mag-aramtan naalaman ni Marya magbuduy yi siya sa panab-anan Ispiritu Banal.

Matiyu 12:46

Magbagaw waya si Hisus sa kayamuan tawu, nagras-ug kay ina, kay manga patar-ari. Mag-alagad sida sa luwas balay, gustu nida mihampang sa kanya.

Matiyu 14:33

Nagdayaw sa kanya kay manga tuludluan sa duunduun magkun, “Tutuu kawu yi ngani ti Anak Diyus.”

Matiyu 2:2

Namaingana sida, “Naan nguna pag iinanak ti Hari manga Hudiyu? Dahil nakitan nimi kay pamgasan sa butlakan init, nakan nagsitay kami hampay mansamba sa kanya.”

Lukas 2:16

Dinmali inmatag sida, nakitan ngani nida sida ni Marya, ni Husi bag-u siyun diman hanggan ti lapsag maigyaan sa labangan hayup.

Lukas 2:38

Pagka ati katpung sa Balay Diyus sida ni Marya ni Husi, pinmakarani si Ana, nagpasalamat siya sa Diyus, bag-u nagtultul siya tungkul sa lapsag sa tanan tawu magpatigagad sa karibrihan Hirusalim.

Huwan 19:39

Nag-ati diman si Nikudimu, imaw ngani pag tawu ti nanabang kaybi sa kan Hisus sa yabi. May dara si Nikudimu tatlumpulu may lima ka litru pamanglu mira may libug aluwi.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 5:8

Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.

1 Samwil 10:27

Dahil may daut manga tawu maghangal-hangal sa kanya magkumun, “Kabitay tunda pag tawu rumibri sa kanta?” Pinuyaan lang nida si Saul, unman gid siya pinakan-an pamakaun una di bilang pagkilala siya ti hari. Dapat si Saul balaw nangingay.