Matiyu 19:21 - Hanunuu

²¹ Magkun maan si Hisus, “Nu kanmu gustu udyi kawu may kakurangan sa kay magbantay Diyus, pag-ati kawu, pabilihan nimu kanmu kasiyunan bag-u ayaw-ayawa nimu sa manga pugri kay kabilyanan. Nu matupad nimu tunda, magkaimaw kawu kayamanan sa langit. Bag-u pagsitay maan kawu pagkuyug sa kangku.”

Matiyu 19:21 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 6:9

Inda ti tultulanun tungkul sa linahi ni Nuwi. Si Nuwi matadlung pag tawu. Siya lang ti magkabuhi matadlung sa kay kapanahunan, ag magkabuhi siya kaibahan ti Diyus.

Hub 1:1

May usa ka lalaki mag-uli sa rugar Us kay ngaran si Hub. Matadlung siya, ag unman may ikasabi kay pangabuhi. Maginalangun siya sa Diyus ag maaman sa magbuwat daut.

Kanta 37:37

Bantayi kaayad ti tawu matinupadun ag matadlung. May mayad siya pag paratabgan ag may kahusayan.

Matiyu 16:24

Bag-u sinabi ni Hisus sa kay manga tuludluan, “Nu may tawu magkaibug magkuyug sa kangku, paglimti niya ti angay sa kay sadili, pas-ana kay kurus bag-u pagkuyug sa kangku.

Matiyu 19:20

Magkun ti kan-akan, “Nasunud yi duy niku tunda tanan-tanan. Hintay waya duy ti kailangan niku buwatun?”

Matiyu 19:22

Pagka nadnugan kan-akan inda pag bagaw, maruku kay nighit dahil masyadu gid siya mayaman.

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Matiyu 4:19

Sinabi niya sa kanda, “Pagkuyug kamu sa kangku bag-u buwatun niku kamu manugtaban sa tawu.”

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

Matiyu 8:22

Dapat magkun si Hisus sa kanya, “Pagkuyug kawu sa kangku, ipiyar nimu sa unman may manga buhi ti lumubung sa manga namatay.”

Matiyu 9:9

Nighit si Hisus siyun ginan pag rugar. Sa kay maglakaw nakitan niya ti usa ka tawu kay ngaran si Matiyu, matukawan sa panukutan buhis. Magkun si Hisus sa kanya, “Pagkuyug kawu sa kangku.” Nagtindug si Matiyu bag-u kinmuyug yi ngani sa kan Hisus.

Markus 10:21

Nagturun si Hisus sa kanya may pagmahal bag-u sinabi niya sa kanya, “Usa waya ka bagay ti kurang sa kanmu. Pag-ati kawu, pabilihan nimu ti tanan nimu kasiyunan. Ayaw-ayawa kay kabilyanan sa manga pugri hampay magkaimaw kawu kayamanan sa langit. Bag-u pagsitay maan kawu pagkuyug sa kangku.”

Markus 2:14

Sa kay naglakaw nakitan niya si Libi kan Alpiyu anak matukawan sa suruktan buhis. Magkun si Hisus sa kanya, “Pagkuyug duy kawu sa kangku.” Nagtindug si Libi nagkuyug ngani sa kan Hisus.

Markus 8:34

Ipinakarani niya sa kanya ti manga tawu hanggan kay manga tuludluan bag-u sinabi niya sa kanda, “Nu may tawu magkaibug magkuyug sa kangku, paglimti niya ti angay sa kay sadili, pas-ana kay kurus bag-u pagkuyug sa kangku.

Lukas 12:33

Ipabili niyu kanyu manga kasiyunan bag-u pagpakaun sa manga pugri kay kabilyanan. Pag-alistu kamu kanyu sukluban balaw magkadaut, tipunun niyu kanyu kayamanan sa langit. Ati unman mabawas ti kayamanan, una mananakaw, una tipakung dayu gumaraw.

Lukas 14:33

Katunda diman una si unu sa kanyu balaw mahimu kang tuludluan nu pagpahalgaan waya niya ti tanan sa kay buhi.”

Lukas 16:9

Magkun si Hisus, “Pagsabihun gid niku sa kanyu, gamitun niyu kanyu kayamanan sitay sa babaw daga hampay kamu may kakilala mayad. Nu tabu yi kanyu kayamanan, tanggapun di nida kamu sa ulian unman may katapusan.

Lukas 18:22

Pagka nadnugan ni Hisus inda, sinabi niya sa lalaki magkun, “Usa waya ka bagay ti kurang sa kanmu. Pabilyan nimu ti tanan nimu kasiyunan. Nu nipabili yi ayaw-ayawa kay kabilyanan sa manga pugri hampay makatanggap kawu kayamanan sa langit. Bag-u pagsitay maan kawu pagkuyug yi sa kangku.”

Lukas 5:27

Pagka dugay nagluwas si Hisus sa balay, nakitan niya si Libi pag manunukut buhis matukawan sa suruktan buhis. Sinabi ni Hisus sa kanya magkun, “Pagkuyug duy kawu sa kangku.”

Lukas 6:40

Balaw mataas sa kay maisturu ti tuludluan. Dapat ti kada usa nu tinudluan yi lubus, siya aban parihu yi sa kay maisturu.

Lukas 9:23

Sinabi waya ni Hisus sa kanda tanan magkun, “Una hintay pag tawu nu magkaibug kumuyug sa kangku pagdayu sa kay sadili kagustuhan, pas-ana kay kurus sirang-sirang, pagkuyug sa kangku.

Huwan 10:27

Kang manga karanidu magdungug sa kang magbagaw. Kilala niku sida ag sida magkuyug sa kangku.

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Binwat 2:45

Nu kas-a ginan ipinabili nida kanda daga hanggan kanda kasiyunan bag-u nanhururayan ngani sida kay kuwarta angay sa pangailangan sa kada usa.

Hibriyu 10:34

Napadamay kamu sa manga napirisu, balaw diman waydi kamu nagruku una binul-an kamu kasiyunan, dahil alam ngani niyu lalu waya higit mahalaga ag udyi madura ti kayamanan ihinanda para sa kanyu.