Matiyu 19:19 - Hanunuu

¹⁹ Galanga nimu kanmu ama kanmu ina. Mahala nimu kanmu kaparihu tawu ga kanmu diman pagmahal sa kanmu sadili.”

Matiyu 19:19 Iomraidhean Croise

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Kabagawan 30:17

Ti tawu magpuya ag unman magsunud sa kay gurang tindukun manga uwak kay manga mata, ag kan-un manga agila kay bangkay.

Libitiku 19:18

Danga kamu magbalus hanggan magdumut sa iba, bagkus ngap mahalun niyu kanyu kaparihu parihu sa kanyu magmahal sa kanyu sadili. Aku ti Panginuun.

Libitiku 19:3

Kailangan galangun niyu kanyu ina hanggan ama, ag kailangan diman tupadun niyu kang manga pag-isugu sa kanyu sa manga Sirang Pamahari. Aku ti Panginuun kanyu Diyus.

Matiyu 19:20

Magkun ti kan-akan, “Nasunud yi duy niku tunda tanan-tanan. Hintay waya duy ti kailangan niku buwatun?”

Matiyu 22:39

Kay pangadwa magkaparihu diman sa siti, ‘Mahala nimu kanmu kaparihu tawu ga kanmu sadili.’

Matiyu 5:43

Magkun si Hisus, “Nadnugan yi niyu may ibinilin magkun, ‘Mahala nimu kanmu pagbayaun pag tawu ag kagalitan nimu kanmu kalaban.’

Lukas 10:27

Sinmagut siya magkun, “Ilubus nimu kanmu tagipusuun, kanmu karadwa, kanmu kabisugan hanggan kanmu pag-iisip sa kanmu pagmahal sa kanmu Panginuun Diyus. Mahala nimu kanmu kaparihu tawu ga kanmu diman pagmahal sa kanmu sadili.”

Ruma 13:9

Ti manga sugu Diyus magkun, “Danga kawu mag-uragin, danga kawu maglibun tawu, danga kawu magtakaw, danga kawu maghirak,” ag una hintay waya pag manga sugu parihu sa kainda. Tunda tanan-tanan namhan sa inda pag hampang magkun, “Mahala nimu kanmu kaparihu parihu sa kanmu sadili.”

Galasya 5:14

Dahil matupad ti kabuuhan Kasuguan nu tupadun lang inda pag usa ka bagaw magkun, “Mahala nimu kanmu kaparihu tawu parihu sa kanmu sadili.”

Diyuturunumiyu 5:16

“ ‘Paggalang kamu sa kanyu ama ag ina, angay sa kang pag-isugu sa kanyu, hampay mabuhi kamu dugay ag hampay mayad kanyu kahamtangan sa pag-ipakaun niku pag daga sa kanyu.

Santiyagu 2:8

Masulung kanyu pagbuwatun nu magtupad lang kamu sa mahalaga pag sugu Diyus nisurat sa Banal Kasuratan magkun, “Mahala nimu kanmu kaparihu ga kanmu diman waydi sadili bilug.”