Matiyu 19:16 - Hanunuu

¹⁶ May lalaki napakarani sa kan Hisus namaingana magkun, “Maisturu, hintay nguna duy pag kaayadan kang buwatun hampay makatanggap aku buhi unman may katapusan?”

Matiyu 19:16 Iomraidhean Croise

Danyil 12:2

Buhiun ti tanan nagkaramatay. Ti iba sa kanda makatanggap buhi unman may katapusan, dapat ti iba saadan ag ipauli sa kakay-ahan unman may katapusan.

Matiyu 19:15

Kinup-an ngani niya kamang ti manga anak. Bag-u nighit siya.

Matiyu 19:26

Tinurun sida ni Hisus bag-u kay sinabi magkun, “Dayu ngani inda mabuwat tawu, dapat mabuwat di Diyus ti tanan kabagayan.”

Matiyu 19:29

Una si unu ti magtiis magtayak sa kay ulian, sa kay manga patar-ari lalaki, sa kay patar-ari babayi, sa ama sa ina, sa kay manga anak una sa kay daga dahil sa kay magpasakup sa kangku, makatanggap siya usa ka gatus maan kay tulus, makamana waya siya tutuu pag buhi unman may katapusan.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

Huwan 10:28

Ti manga magpaminsan sa kangku pagpakan-an niku tutuu pag buhi unman may katapusan. Hanggan waya aban dayu gid sida ipadamhak sa kamatayan. Unman may umagaw sa kanda ginan sa kang kamang.

Huwan 12:25

Nu pagpahalgaan tawu kay sadili buhi, maduraan ngap siya buhi. Dapat nu unman pagpahalgaan tawu kay buhi sitay sa babaw daga, dayu ngap siya maduraan buhi hanggan aban.

Huwan 3:15

hampay una si unu pag tawu nu magsarig sa Anak Tawu, may tutuu pag buhi unman may katapusan.

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Huwan 6:47

“Ungud duy kang pagsabihun sa kanyu, una hintay pag tawu nu sumarig, may tutuu pag buhi unman may katapusan.

Huwan 6:68

Sinmagut si Simun Pidru, magkun, “Panginuun, hintay waya gid kanmi dangpan? Kanmu sinabi pag manga bagaw ti makapakaun tutuu pag buhi unman may katapusan sa manga tawu.

Binwat 16:30

Ipinaluwas niya sida sa pirisuhan, bag-u kay sinabi sa kanda magkun, “Hintay nguna duy kang kailangan buwatun hampay aku maribri?”

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 5:21

Nakan nu hinmari ngani ti kasalanan sa panab-anan kamatayan, katunda diman humari ti pangaawa Diyus nu pagkilalan-un niya ti manga tawu kuntay manga matadlung, hampay karubtan nida ti buhi unman may katapusan sa panab-anan nita Panginuun Hisu-Kiristu.

1 Timutiyu 1:16

Dapat ay kinaawaan niya aku hampay mipakilala ni Hisu-Kiristu kay lubus matugway naisipan niya sa kangku, sa takinan manga makasalanan, bilang ga mustara sa tanan manga sumarig waydi sa kanya hampay may buhi waydi sida unman may katapusan.

1 Timutiyu 6:12

Buwata nimu tugka sa kanmu makaya hampay ingatan nimu ti katutuuhanan tungkul sa kanta pagsarig una may kalaban bag-u makarubtan nimu ti tutuu pag buhi unman may katapusan. Kabay imaw pag buhi kay turunu Diyus. Nakan kawu kay pinili Diyus, pagka ipinakilala nimu mayad-mayad kanmu pagsarig sa mag-adnugan kayamuan tawu.

1 Timutiyu 6:19

Nu katida makatipun sida kayamanan sa pag-atubangun pag udas ag makatanggap sida tutuu pag buhi.

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Titu 3:7

Dahil sa kay pangaawa sa kanta nakan kita kay pagkilalan-un manga matadlung ag may pag-asa diman kita matanggap nita ti buhi unman may katapusan.

1 Huwan 1:2

Ipinaburayhaw inda pag buhi, nakitan gid nimi. Nakan kanmi pagpatutuuhanan ngani ag pag-ibarita sa kanyu ti tutuu pag buhi unman may katapusan. Kaybi ginan kaibahan siya Ama, bag-u ipinaburayhaw siya sa kanmi.

1 Huwan 2:25

Inda yi kay itinaratu sa kanta ni Kiristu, ti buhi unman may katapusan.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

Hudas 1:21

Danga magpablag kamu sa kay pagmahal Diyus; pag-alagad kamu sa kay pangaawa nita Panginuun Hisu-Kiristu, imaw ti makapakaun sa kanta tutuu pag buhi unman may katapusan.