Matiyu 18:8 - Hanunuu

⁸ “Nu kanmu kamang una lulud tigpaturun sa kanmu tabug sa kasalanan, pulda yi nimu tunda, yamtan yi. Mayad waya nu rumas-ug kawu sa langit may pulud ngatay kamang ngatay lulud, sayang waya nu kawu may duwa ka kamang, may duwa ka lulud bag-u iyamut sa udyi magkapsa pag apuy hanggan waya aban.

Matiyu 18:8 Iomraidhean Croise

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Matiyu 17:27

Dapat ay una katida, pag-atag kawu sa danaw, itaplik nimu kanmu banwit. Bul-a nimu ti kabag-u nimu bulay pag isda, pangangaha nimu kay bibig bag-u may makitan kawu usa ka kuwarta pilak. Bul-a nimu tunda ibayad nimu sa buhis nita duwa hampay unman sida may ikadaut sa kanta.”

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

Lukas 14:33

Katunda diman una si unu sa kanyu balaw mahimu kang tuludluan nu pagpahalgaan waya niya ti tanan sa kay buhi.”

Lukas 16:24

Nagtawag siya magkun, ‘Amang Abraham, kaawai yi aku, sugua nimu si Lasaru hampay itulsuk kay suru ituturu sa danum isubu sa kang dila agud rumamig, dahil aku magkakuri sitay sa karaw-an apuy.’

Ruma 13:12

Mag-agaw sirang yabi arani yi magkasirang. Pagpakarayu yi kita ginan sa tanan buwat daut, ialistu nita kanta sadili sa buwat kaayadan.

Ipinakakit 14:10

uminum siya intus lunsay galit Diyus, ayinungyung atag sa ungut sa kay pangaisug. Pakurian sida sa apuy ag asupri sa atubangan manga anghil Diyus hanggan sa atubangan Anak Karanidu.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”