Matiyu 18:10 - Hanunuu

¹⁰ Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

Matiyu 18:10 Iomraidhean Croise

2 Samwil 14:28

Nangulian si Absalum sa Hirusalim sa sulud duwa ka timpu sa balaw mag-akitan hari.

1 Hari 22:19

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

Istir 1:14

Ti pirmi niya paghagadan payu sida ni Karsina, ni Sitar, ni Admata, ni Tarsis, ni Miris, ni Mirsinas ag ni Mimukan. Sida ti may mataas pag manga katungkulan manga takinan sa kaharian Pirsiya hanggan sa Midya, ag kakilala gid sida hari.

Kanta 15:4

Pagdayuun niya ti manga pagbugyahan niku pag tawu dapat pagdayawun niya ti manga magsunud sa kangku. Pagtupadun gid niya kay taratu una kabitay kay kakuri para sa kanya.

Kanta 17:15

Dapat aku inda makakit sa kanmu dahil unman aku may nabwat kasalanan. Sa kang pag-ipulaw makabaya gid aku makakit sa kanmu.

Kanta 34:7

Ti anghil Panginuun magbantay sa manga maggalang sa Panginuun, ag pag-iribri niya sida sa kadamhakan.

Kanta 91:11

Dahil suguun Diyus kay manga anghil hampay alagaan kawu una naan kawu tabug.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

Matiyu 1:20

Dapat pagka kay pag-isip-isipun waya tunda, ti usa ka anghil Panginuun nagpakakit sa kanya sa kay tagin-up. Magkun ti anghil, “Husi, kawu linahi ni Dabid, danga kawu magkadala mag-asawa sa kan Marya, dahil kay buduy ginan sa Ispiritu Banal.

Matiyu 12:20

Unman niya puldun ti tigbi nu nahapay. Unman diman pus-an niya ti sulu una magrapyung, hanggan sa udwaya manalu kay katadlungan.

Matiyu 18:14

Katunda diman, balaw gustu niku Ama sa langit midamhak una lang usa sa inda pag manga mapinakumbabaun.”

Matiyu 18:6

Sinabi ni Hisus, “Dapat una si unu pag tawu ti pun-an kasalanan manga dariit anak magsarig sa kangku, mayad waya bitinan kay liug galingan batu bag-u ilagpak sa abasad pag dagat.

Matiyu 2:13

Pagka ginminan yi tunda pag manga madunung pag tawu, ti usa ka anghil Panginuun napakakit sa kan Husi sa kay tagin-up magsabi, “Pagbangun kawu, daran-a yi ti anak hanggan kay ina, pagpalagiw yi kamu tag sa Ihiptu. Pag-ati dapu kamu hanggan sa ud sumabi maan aku sa kanmu, dahil hanapun ni Hirudis ti anak hampay kay matyun.”

Matiyu 2:19

Pagka namatay yi si Hirudis, ti usa ka anghil Panginuun napakakit sa kan Husi sa kay tagin-up ati sa Ihiptu.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Lukas 1:19

Nagsagut ti anghil, “Aku si Gabriyil manugsirbi sa atubangan Diyus. Sinugu aku hampay ipadakit sa kanmu ti mayad pag barita inda.

Lukas 10:16

Sinabi ni Hisus sa kay manga tuludluan magkun, “Ti magpatingi sa kanyu, magpatingi diman waydi sa kangku. Ti magdayu sa kanyu, magdayu diman waydi sa kangku. Ti magdayu sa kangku, magdayu diman waydi sa nagsugu sa kangku.”

Lukas 16:22

“Pagka dugay namatay yi ngani ti may kakurian pag tawu si Lasaru bag-u siya dinara manga anghil tag sa kan Abraham arani.

Binwat 10:3

Pagka dugay, pagka palis ti init, may ipinakakit ti Panginuun sa kanya. Malinaw gid pag nakitan ni Kurnilyu may usa ka anghil Diyus nagsulud sa kay balay. Magkun ti anghil sa kanya, “Kurnilyu.”

Binwat 12:15

Magkun sida, “Paung duy kawu.” Dapat balaw nagpatalu si Ruda, ungud gid imaw. Nakan sinabi nida magkun, “Kay nguna anghil ni Pidru tunda.”

Binwat 12:23

Susun yi pinarusahan siya anghil Panginuun dahil unman sinabi niya sa manga tawu siya tawu lang, balaw Diyus. Sinapatan dapu siya bag-u namatay.

Binwat 27:23

Dahil kis-ab yabi may napakakit sa kangku usa ka anghil Diyus. Sa tunda pag Diyus aku pag napasakup hanggan magsamba.

Binwat 5:19

Dapat ay pagka yabi yi binukasan anghil Panginuun ti manga sabian kay ipinalwas sida ginan sa pirisuhan. Bag-u sinabi niya sa kanda magkun,

Ruma 14:10

Kawu duy hayga pag-unuunuhun ngatay pagpihuun nimu ti daut ti mayad sa kanmu patar-ari? Kita tanan umatubang sa Diyus bag-u pihuun niya ti daut ti mayad sa kanta.

Ruma 14:21

Mayad ti unman magkaun taguban, unman mag-inum makalangu, ag unman magbuwat una hintay nu karadayaanun nimu patar-ari tag sa kasalanan.

Ruma 15:1

Kita ti manga mabisug kailangan mag-antabay sa manga malumuy kanda pagsarig. Danga ti sadili kasulungan ti pag-intindiha.

1 Kurintu 11:22

Unman aw lugud kamu may balay? May yarabasan may irinman kamu. Hayga lugud unman pagpahalagaan niyu ti iglisya Diyus? Hayga pagpakay-ahun lang niyu ti unman may imaw? Hintay nguna kang masabi sa kanyu? Kamu aw kang pagbayaun sa tunda pag bagay? Bukun ngap aku magbaya.

1 Kurintu 16:11

Una hintay pag tawu danga magpalabi-labi laban sa kanya. Lalu awatan ngapu niyu siya para masulung kay maglakaw hampay makasitay siya sa kangku. Dahil una aku una hanggan ti manga patar-ari maggagad yi gid sa kanya.

1 Kurintu 9:22

Nu sa manga marahantup barang magkasala, maghuwad waydi aku sa kanda. Sa tanan paraan makibagay aku sa tanan tawu hampay una lang kay iba mabawi di niku una sa kabitay pag paraan.

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

2 Kurintu 10:10

Magkun ti iba, “Kay surat lang ti mahigpit. Nu sa atubangan padi ay madala pag tawu, una sa kay pinamagawan balaw may mayad.”

Galasya 6:1

Manga patar-ari, nu may naabutan kamu tawu magbuwat kasalanan, kailangan sa kanyu tunda ti manga tuludluan Ispiritu ti pagtadlung sa kanya, dapat pagmaalumanay kamu ti kada usa. Pagpasunaid sa kanyu sadili bilug barang kamu matuksu waydi.

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.

1 Timutiyu 4:12

Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

Hibriyu 1:14

Ti tanan manga anghil manga ispiritu magsirbi sa Diyus, kay manga suruguun hampay mag-alaga sa manga tawu mumana karibrihan.

Hibriyu 9:24

Dahil si Kiristu nagsaka sa banal pag rugar balaw binwat tawu kamang ag unman hinuwad ginan sa kay tutuu. Siyun ngap siya sa langit gid sa atubangan Diyus hampay magpamahala sa kanta.

Ipinakakit 8:2

Bag-u nakitan niku may pitu ka anghil matindugan sa atubangan Diyus, pinakan-an sida budyung ayaw-ayaw.