Matiyu 17:5 - Hanunuu

⁵ Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 17:5 Iomraidhean Croise

Hub 38:1

Bag-u nagsagut ti Panginuun sa kan Hub ginan sa buhawi,

Kanta 81:7

Katpung asan kamu sa kakurian nandangup kamu sa kangku ag irinibri niku kamu. Ginan sa manga rurum sinagut niku kamu. Sinubukan niku kamu ati sa may bulbugan Miriba.

Pag-ighit 19:19

ag lalu waya nagmatnug ti tunug budyung. Nagbagaw si Muysis ag sinagut siya Diyus sa panab-anan linti.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 42:21

Gustu gid Panginuun galangun kay kasuguan agud maipakakit niya kay katadlungan.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Matiyu 17:6

Pagka nakadnug ti manga tuludluan tunda pag bagaw, napadapa sida sa daga ag lubus sida nadala.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Markus 1:11

May nagbagaw ginan sa langit magkun, “Kawu kang pagmayadun pag Anak, sa kanmu aku lubus pag magbaya.”

Markus 9:7

Bag-u may rurum hinmamuy sa kanda, may nagbagaw ginan sa rurum magkun, “Inda kang pagmayadun pag Anak, patingihi gid niyu siya.”

Lukas 3:22

Nagpakababa sa kanya ti Ispiritu Banal ga histuda kalampati. Bag-u may magbagaw ginan sa langit magkun, “Kawu kang pagmahalun pag Anak, kawu lubus kang pagbayaun.”

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Huwan 3:35

Ti Anak pagmahalun niya Ama nakan ipinasakup Ama ti tanan-tanan pag manga bagay sa kapangyarihan niya Anak.

Huwan 5:37

Hanggan ngap ti Ama ti nagsugu sa kangku tigpakilala waydi nu si unu aku. Una kaybi ginan kamu unman nakadnug kay magbagaw, unman diman kamu nakakit sa kay pinagkabilug.

Binwat 1:9

Pagka sinabi ni Hisus tunda, sa kanda gin atubangan dinara siya atag tungud, nakublian siya rurum udyi mag-akitan nida mata.

Binwat 7:37

“Si Muysis diman waydi ti nagsabi sa manga Israilita magkun, ‘Aban ipakaun Panginuun Diyus sa kanyu ti usa ka purupita kanyu diman kalahi, parihu diman ga kangku sinugu Panginuun.’

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Diyuturunumiyu 18:15

Bagkus ngap, pumadara sa kanyu ti Panginuun niyu Diyus usa ka purupita parihu sa kangku, kadugu niyu. Kailangan patingihan niyu siya.

Diyuturunumiyu 18:19

Parusahan niku una si unu ti unman maniwala sa kang manga bagaw pagbagawun purupita sa panab-anan niku ngaran.

Diyuturunumiyu 5:22

“Imaw inda ti manga sugu Panginuun sa kanyu tanan sa nagtiripun ati sa bantud. Pagka nagbagaw siya matnug ginan sa basad apuy magkasangputan madamul pag rurum, ipinakaun niya inda pag manga sugu ag udyi siya may tuhay waya sinabi. Isinurat niya inda sa duwa ka malapad pag batu bag-u ipinakaun sa kangku.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.

Ipinakakit 14:14

Bag-u nagbantay aku, may nakitan aku usa ka malagti pag rurum, may matukawan sa rurum ga anyu tawu, sa kay ulu may gintu pag sangbaw imaw ti ipinirimyu sa kanya ag may bitbit siya matarum pag karit.