Matiyu 17:15 - Hanunuu

¹⁵ “Duy, kaawai gid nimu kang anak lalaki. Magkatigbak siya, masyadu magkakurian, dahil nu kas-a siya magkagpu atag sa apuy. Nu kas-a magkalagpak atag sa basad danum.

Matiyu 17:15 Iomraidhean Croise

Hub 2:7

Nakan ginminan ngani si Satanas sa atubangan Panginuun bag-u pinakurian si Hub sa panab-anan manga garis ginan sa kay ulu tugka sa raprapa.

Matiyu 15:22

May usa ka babayi taga Kanaan, siyun waydi pag mag-uli. Nagluwang siya nagtawag daka sa kan Hisus magkun, “Panginuun, kawu duy ti linahi ni Dabid, kaawai nimu aku. Kang anak babayi inapuan labang, masyadu gid siya pagpakurian.”

Matiyu 17:16

Kang yi dinara siya atag sa kanmu manga tuludluan, dapat unman nakaya nida paayadun.”

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Lukas 6:18

Nag-atag sida sa kan Hisus hampay mamatingi, ag hampay paayadun niya kanda manga sakit. Pinaayad diman ti manga pinakurian labang.

Huwan 18:2

Una si Hudas, ti napakampi sa kay kalaban ni Hisus, alam di niya tunda pag rugar, dahil pirmi mag-ati si Hisus kaibahan niya kay manga tuludluan.