Matiyu 16:25 - Hanunuu

²⁵ Nu ti tawu magkaibug magpakalawig kay kinabuhi, maduraan ngap siya buhi. Dapat ay una hintay ti nabul-an kay kinabuhi dahil sa kangku, siya yi ngapu makamana buhi.

Matiyu 16:25 Iomraidhean Croise

Istir 4:14

Nu ipasipala lang nimu inda pag manga mangyari, pihu may umawat di iba sa manga Hudiyu, dapat kawu hanggan kanmu manga katawuhan mamatay. Barang nakan kawu binwat rayna hampay miribri nimu kanmu kaparihu manga Hudiyu.”

Istir 4:16

“Paglakaw yi kawu, tipuna nimu ti tanan Hudiyu atay sa Susa ag danga kamu maghandum karan-unun para sa kangku. Danga kamu magkaun ngatay mag-inum danum sa sulud 3 ka sirang. Aku hanggan kang manga suruguun babayi unman diman manhandum karan-unun. Pagkatapus, atabug aku sa hari una labag sa kasuguan hari. Ag nu matyun aku, nakaalistu di aku mamatay.”

Manugtudlu 3:6

may udas sa paghanap ag may udas diman sa pagkalyam, may udas sa paghamnu ag may udas diman sa pagyamut,

Matiyu 10:39

Ti mag-ingat sa kay sadili buhi, maduraan ngap buhi unman may katapusan. Ti nabul-an buhi sa kay magsunud sa kangku, imaw ngap ti kumakit buhi.”

Matiyu 16:26

Hintay lugud ti makinabangan tawu una maapu niya ti bilug kalibutan, nu kay kinabuhi ti kabaydanan? Hintay ti ibayad tawu hampay bawiun maan niya kay buhi?

Markus 8:35

Dahil ti tawu nu magkaibug magpakalawig kay kinabuhi, maduraan ngap siya buhi. Dapat ay una hintay pag tawu ti nabul-an kay kinabuhi dahil sa Mayad pag Barita, ribri yi siya.

Lukas 17:33

Una si unu ti masipag maghanap paraan hampay iribri kay kinabuhi, siya ngap ti mabul-an kay buhi. Dapat una si unu ti maduraan kay kinabuhi dahil sa kangku, siya ngap ti makaribri.

Huwan 12:25

Nu pagpahalgaan tawu kay sadili buhi, maduraan ngap siya buhi. Dapat nu unman pagpahalgaan tawu kay buhi sitay sa babaw daga, dayu ngap siya maduraan buhi hanggan aban.

Ipinakakit 12:11

Kanta manga patar-ari nanalu laban sa diyablu, dahil sa dugu Anak Karanidu, dahil diman sa kanda magpadakit sa Bagaw Diyus. Balaw sida naghinayang sa kanda buhi una hanggan waya tugka sa kamatayan.