Matiyu 16:21 - Hanunuu

²¹ Siyun ginan ipinaalam yi ni Hisus sa kay manga tuludluan kailangan siya umati sa Hirusalim. Pagka ati pakurian siya masyadu manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat sa ikatlu pag sirang mabuhi maan siya uman.

Matiyu 16:21 Iomraidhean Croise

Matiyu 12:40

Nu kabitay si Hunas sa sulud tulu ka yabi tulu ka sirang sa basad tiyan laun pag isda, katunda diman ti Anak Tawu aban sa tinaguktukan batu sa sulud tulu ka yabi tulu waydi ka sirang.

Matiyu 16:22

Magkun si Pidru sa kan Hisus, “Abala dapu duy kawu.” Bag-u tinamyaw niya si Hisus magkun, “Danga mana ipahintulut Diyus tunda. Panginuun, dayu gid mangyari tunda sa kanmu.”

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 17:12

Dapat kang pagsabihun sa kanyu, nagsitay yi ginan si Ilyas, dapat unman nakilala siya manga tawu. Kanda binwat sa kanya ti nagustuhan nida. Katunda diman waydi pakurian nida aban ti Anak Tawu.”

Matiyu 17:9

Sa kanda maglus-ug ginan sa bantud sinabi ni Hisus sa kanda magkun, “Danga dapu sabihun niyu una sa kantapu ti kanyu nakitan hanggan sa udwaya mabuhi uman ti Anak Tawu.”

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 26:2

“Alam yi niyu, duwa wadi ka sirang bag-u Kapistahan yi sa Pag-alaala sa Karibrihan. Ipahintulut yi ti Anak Tawu sa manga kalaban hampay ipaku siya sa kurus.”

Matiyu 26:47

Magbagaw di waya si Hisus, nagras-ug yi si Hudas, usa sa sampulu may duwa. May kaibahan siya mayamu tawu may dara manga baladaw, manga pamakul. Sinugu sida manga pangulu manughandug hanggan manga paggurangunun manga Hudiyu.

Matiyu 27:12

Dapat pagka siya idinimanda manga pangulu manughandug hanggan manga paggurangunun manga Hudiyu, udyi lang siya nangingay.

Matiyu 27:63

Sinabi nida, “Naalaala duy nimi pagka siya buhi waya, sinabi tunda pag magpanaguabi magkun, nu lawuy tulu ka sirang mabuhi siya uman.

Matiyu 28:6

Unman siya sitay dahil siya nabuhi yi uman parihu diman sa kay sinabi. Abala kamu pagbantay ngani kamu sa kay nagpaulian.

Markus 8:31

Siyun ginan nag-umpisa magtudlu si Hisus sa kay manga tuludluan magkun, ti Anak tawu kailangan mag-agwanta mayamu pag kakurian. Dayuun siya aban manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat ay pagka lawuy yi tulu ka sirang, mabuhi maan siya uman.

Markus 9:12

Sinmagut si Hisus magkun, “Sumitay ngani dapu si Ilyas hampay kay ialistu ti tanan manga bagay. Dapat kang pagsabihun sa kanyu, nagsitay yi ginan si Ilyas ag binwat yi manga tawu sa kanya ti nagustuhan nida angay sa isinurat sa Banal Kasuratan tungkul sa kanya. Dapat hayga pagsabihun Banal Kasuratan magkun aban ti Anak Tawu kailangan umagwanta waydi sa mayamu kakurian ag dayuun siya manga tawu?”

Lukas 17:25

Dapat kailangan dapu mag-agwanta siya sa mayamu pag kakurian, ag pagdayuun siya niya kadungan pag manga tawu.

Lukas 24:46

Magkun siya sa kanda, “Katunda ngani ti isinurat kailangan maglakaw kakurian ti Pinili Diyus Manugribri pag Hari bag-u sa ikatlu pag sirang mabuhi siya uman ginan sa kay pagkamatay.

Lukas 9:31

Masinglaw diman kanda histuda. Paghampangan nida ti tungkul sa kan Hisus pag-ighit ginan sa daga aban arani yi tupadun niya sa Hirusalim.