Matiyu 16:18 - Hanunuu

¹⁸ Kang pagsabihun sa kanmu, kawu si Pidru, kay ibug sabihun batu. Sa babaw inda pag batu ipatindug niku kang iglisya. Una ti kapangyarihan kamatayan unman makapanalu sa iglisya niku.

Matiyu 16:18 Iomraidhean Croise

2 Samwil 18:4

Sinmagut si Hari Dabid, “Buwatun niku nu hintay ti mayad sa kanyu magbantay.” Tinmindug si Hari Dabid sa saruy sabian banwa habang magluwas ti tanan tawuhan niya magurupuhan sa tig 1,000 hanggan tig 100.

Hub 38:17

Naipakakit yi aw lugud sa kanmu ti manga sabian atag sa madulum pag ulian manga namatay?

Kanta 107:18

Naduraan gana sida sa tanan pag karan-unun, arani yi sida mamatay.

Kanta 127:5

Mapalad ti tawu may mayamu manga anak, dahil maawatan siya nu magkaatubang sida niya manga kalaban sa hurusayan.

Kanta 129:2

“Masyadu gid kanda magpakuri sa kanmi ginan sa pag-umpisa nimi nasyun. Dapat balaw gid nida kami matalu.

Kanta 69:12

Paglibakun aku manga tawu matukawan sa puwirtahan banwa, ag ti manga langu magpathaw manga pangaway pag manga kanta tungkul sa kangku.

Kanta 9:13

Panginuun, bantayi nimu nu kabitay kay magpakuri sa kangku niku manga kalaban. Kaawai duy aku ag ribrihan sa kamatayan,

Kabagawan 24:7

Ti kadunungan balaw kurang kay intindi. Unman siya may magkasabi nu makabuluhan yi pag bagay ti paghampangan.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 28:6

Giyahan niya ti manga manughusay hampay ipaburayhaw ti katadlungan sa kanda maghusay. Pakan-an niya isug ti manga manugbantay sa banwa laban sa manga kalaban.

Isayas 38:10

Kang isip mamatay yi aku udas niku kasupangan, ag pumirmaminti sa rugar manga namatay.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Hunas 2:6

Tinmagbung aku tugka sa kaabasad-basadan dagat, ga ipinirisu aku sa kaabasad-basadan daga ud may katapusan. Dapat bin-ul di nimu aku siti ginan pag kaabasad-basadan, Panginuun niku Diyus.

Matiyu 10:2

Inda ti sampulu may duwa ka apustul kanda manga ngaran: un-an si Simun (imaw yi ti pagkumnun si Pidru), bag-u si Andiris kay patar-ari ni Simun, bag-u kay anak ni Sibidiyu si Santiyagu, hanggan kay patar-ari si Huwan,

Matiyu 11:23

Kawu pag banwa Kapirnaum, gustu aw nimu pumaabwat hanggan tugka sa langit? Unman! Idugsak ngap kawu sa ulian manga namatay. “Dahil nu abi sa Suduma pag nabuwat ti manga makadululaw kang binwat sitay sa kanyu, hanggan taynguna tugka balaw waya mana mawasak tunda.

Matiyu 18:17

Nu unman siya maniwala sa kanda, sabiha yi nimu sa iglisya. Nu unman gid siya maniwala sa iglisya, ipaparihu nimu siya sa manga unman magsarig sa Diyus ag sa manga manunukut buhis.

Matiyu 4:18

Sa kay maglakaw sa saruy danaw Galiliya, nakitan ni Hisus si Simun, imaw ti pagkumnun si Pidru, hanggan kay patar-ari si Andiris. Manug-isda sida. Pag-itaplak nida kanda sarap sa danaw.

Matiyu 7:24

Sinabi ni Hisus, “Nakan ngani ti kada tawu nu magpatingi ag magtupad sa kang manga bagaw, parihu siya ga usa ka tawu madunung gid, nagbungsud kay balay sa babaw batu.

Huwan 1:42

Bag-u kan Andiris tinaban si Simun tag sa kan Hisus. Nagbantay si Hisus sa kan Simun bag-u kay sinabi magkun, “Kawu si Simun, kan Huwan anak. Dapat ingarnan kawu Sipas.” (Kay usa ka ngaran Pidru. Una Sipas una Pidru parihu kay kahulugan tanang batu daka).

Binwat 2:47

Magdayaw sida sa Diyus. Ag ti tanan tawu nagbaya gid sa manga patar-ari. Sirang-sirang may idinagdag maan sa kanda ti Panginuun manga tawu kay irinibri.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Binwat 8:1

Pinasnuan yi waydi ni Saulu hampay matyun yi ngani si Istiban. Ati katpung pag sirang nag-umpisa ti mahigpit pag-unuunu laban sa iglisya sa Hirusalim. Purya lang ti manga apustul, ti tanan manga nagsarig sa kan Hisus nangalat yi sa tanan rugar sa Hudiya hanggan sa Samarya.

1 Kurintu 15:55

“Kamatayan, naan tag yi kanmu panalu? Kamatayan, naan tag yi kanmu kapangyarihan magpakuri?”

Galasya 2:9

Ti manga pagkumnun pinagkatulduk iglisya, sida ni Santiyagu, ni Pidru, ni Huwan. Naintindihan waydi nida inda pag katungkulan ipinakaun Diyus sa kangku. Nakan kami ni Birnabi kanda tinanggap ga kanda diman, parihu kami manugtudlu. Kanmi pinagkasunduan kami sa manga balaw Hudiyu, sida bay sa manga Hudiyu.

Ipisu 3:10

Taynguna bay sa panab-anan iglisya gustu Diyus pagmipakilala sa manga pinunu ati sa langit ag sa manga may kapangyarihan ti unman may katabuhan pag kadunungan Diyus.

Ipisu 5:32

Inda ti usa ka pinakamahalaga ag madalum pag katutuuhanan. Kang isip inda tungkul sa kan Kiristu ag tungkul sa iglisya.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

1 Timutiyu 3:15

hampay una aku unman makaras-ug madali, maalaman diman nimu ti mayad pag ugali kailangan buwatun sa magtal-anakan Diyus, sa iglisya Diyus buhi, imaw yi ngani ti pinagkatulduk hanggan binungsudan katutuuhanan.

1 Timutiyu 3:5

Dayu waydi makapangasiwa ti tawu sa iglisya Diyus, nu unman kaya niya pamahalaan kay kasunu balay.

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 21:14

Ti alad batu sa sangput banwa may sampulu may duwa ka patakinan pag batu. May surat ti kada usa ka patakinan pag batu, tigus-a ka ngaran sampulu may duwa ka apustul Anak Karanidu.