Matiyu 16:16 - Hanunuu

¹⁶ Sinmagut si Simun Pidru magkun, “Kawu duy ti Kiristu, ti Pinili Diyus Manugribri pag Hari, ti Anak Diyus buhi.”

Matiyu 16:16 Iomraidhean Croise

Kanta 2:7

Magkun ti pinili Diyus pag hari, “Itultul niku ti sinabi sa kangku Panginuun magkumun, ‘Kawu kang anak. Taynguna pag sirang pag ipakilala niku aku kanmu ama.

Kanta 42:2

Buhi pag Diyus, magkauwaw aku sa kanmu. Kapira waya aku makaatag sa kanmu Balay hampay makapakarani sa kanmu atubangan?

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Matiyu 1:16

Kay anak ni Hakub si Husi, kay yi ngani asawa ni Marya kay ina ni Hisus, imaw yi ti pag-ingarnan Kiristu.

Matiyu 14:33

Nagdayaw sa kanya kay manga tuludluan sa duunduun magkun, “Tutuu kawu yi ngani ti Anak Diyus.”

Matiyu 16:15

Nagpaingana si Hisus sa kanda, “Nu sa kanyu waydi, hintay kanyu isip nu si unu aku?”

Matiyu 26:63

Dapat unman nag-ingay si Hisus. Bag-u magkun ti pangulu manughandug sa kan Hisus, “Sa ngaran Diyus buhi, kang pag-ibilin sa kanmu, sabiha nimu sa kanmi, nu tutuu kawu ti Pinili Diyus Manugribri pag Hari, ti Anak Diyus.”

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Matiyu 4:3

Nagpakarani yi ti manugtuksu, magkun sa kan Hisus, “Nu kawu ungud ti Anak Diyus, bagawi tunda pag manga batu hampay bumaliw tinapay.”

Markus 14:61

Dapat unman nag-ingay si Hisus, unman gid siya nagsagut. Pinmaingana maan ti Pangulu Manug-asiwa Balay Diyus magkun, “Kawu aw ti Pinili Diyus Manugribri pag Hari, ti Anak makapangyarihan pag Diyus?”

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

Huwan 11:27

Sinmagut si Marta magkun, “Hu ngani Panginuun, naniwala yi aku kawu ti Pinili Diyus Manugribri pag Hari, ti Anak Diyus, ti itinaratu Diyus kuntay sumitay sa kalibutan.”

Huwan 20:31

Dapat inda kang isinurat hampay kamu magpaniwala si Hisus yi ngani ti Pinili Diyus Manugribri pag Hari, ti Anak Diyus. Dahil nu katunda kanyu pagsarig, kamu may tutuu pag buhi sa kanyu magpakiusa sa kanya.

Huwan 6:57

“Ti Ama ti may gimpuunan buhi. Siya ti nagsugu sa kangku. Dahil sa Ama aku hanggan may gimpuunan buhi. Katunda diman waydi ti tawu nu magkaun siya kang bilug may tutuu siya pag buhi dahil sa kangku.

Huwan 6:68

Sinmagut si Simun Pidru, magkun, “Panginuun, hintay waya gid kanmi dangpan? Kanmu sinabi pag manga bagaw ti makapakaun tutuu pag buhi unman may katapusan sa manga tawu.

Huwan 6:69

Nagsarig duy kami sa kanmu, dahil nakilala nimi kawu ti Banal pag sugu ginan sa Diyus.”

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Binwat 8:36

Sigi di gid kanda lakaw karusa. Pagka dugay nakaras-ug sida sa may danum. Nakan sinabi pinunu sa kan Pilipi magkun, “May danum atay. May ampara aw nguna sa kang magpatulbaw?”

Binwat 8:37

Magkun si Pilipi, “Mahimu gid kawu pumatulbaw nu ilinubus nimu kanmu tagipusuun sa pagsarig sa Panginuun.” Sinabi pinunu magkun, “Magsarig aku sa kan Hisu-Kiristu, siya yi ti Anak Diyus.”

Binwat 9:20

Susun nagsaka siya sa simbahan manga Hudiyu, nanudlu siya tungkul sa kan Hisus magkun, “Siya yi ngani ti Anak Diyus.”

2 Kurintu 1:19

Ti Anak Diyus si Hisu-Kiristu imaw ti itinudlu nimi ni Silbanu ni Timutiyu sa kanyu magkun unman magkatalinduwa si Kiristu, balaw may “hu”, may “unman,” nu “unman” tutuu yi gid “hu”.

2 Kurintu 3:3

Kamu malinaw pag pinagkasurat ni Kiristu kanmi ipinadangat. Inda nisurat balaw ga kinta nu unman ginan sa Ispiritu Diyus buhi, balaw sa binagasbasan batu nu unman sa tagipusuun tawu pag isinurat.

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Diyuturunumiyu 5:26

May imaw aw waya tawu buhi ti nakadnug sa busis Diyus ginan sa apuy parihu sa kanta nadnugan?

1 Tisalunika 1:9

Sida yi ngani ti mamarita nu kabitay kami kanyu tinanggap. Sida diman tigsabi pinatlikudan niyu ti pagsamba sa diyus-diyusan hampay magsirbi kamu sa tutuu Diyus buhi,

1 Timutiyu 3:15

hampay una aku unman makaras-ug madali, maalaman diman nimu ti mayad pag ugali kailangan buwatun sa magtal-anakan Diyus, sa iglisya Diyus buhi, imaw yi ngani ti pinagkatulduk hanggan binungsudan katutuuhanan.

1 Timutiyu 4:10

Nakan kita magpakasipag sa buruwatun una makuri, dahil mag-asa kita sa Diyus buhi, sa Manugribri tanan tawu, lalu sa manga magsarig sa kanya.

Hibriyu 10:31

Madala gid ti malagpak tag sa kamang Diyus buhi.

Hibriyu 12:22

Dapat ay kamu nagpakarani sa bantud Siun ag sa banwa Diyus buhi, imaw ti Hirusalim sa langit, sa may udyi mabilang pag kadamlan manga anghil. Magpakiusa yi kamu sa masulung pag katipunan,

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

1 Huwan 4:15

Una hintay pag tawu tigpasnu hanggan magtudlu kuntay si Hisus yi ngani ti Anak Diyus, nangulian yi sa kanya ti Diyus ag siya unman mag-iblag sa Diyus.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

1 Huwan 5:5

Ti tawu tigsarig kuntay si Hisus yi ngani ti Anak Diyus tunda lang waydi pag tawu ti magpanalu sa ugali kalibutan.

Ipinakakit 7:2

Bag-u nakitan niku ti usa waya ka anghil nag-atag tungud baliwa sa butlakan init, may bitbit siya pananda ginan sa Diyus buhi. Nagbagaw siya daka sa upat ka anghil sa pinakan-an Diyus kamaskihan mandaut sa daga hanggan sa dagat magkun,