Matiyu 15:22 - Hanunuu

²² May usa ka babayi taga Kanaan, siyun waydi pag mag-uli. Nagluwang siya nagtawag daka sa kan Hisus magkun, “Panginuun, kawu duy ti linahi ni Dabid, kaawai nimu aku. Kang anak babayi inapuan labang, masyadu gid siya pagpakurian.”

Matiyu 15:22 Iomraidhean Croise

Kanta 4:1

Diyus kang manug-apin, awati aku nu magdangup sa kanmu. Kabay inawatan nimu aku sa kang manga kakurian? Nakan taynguna, patingihi kang manga darangin ag kaawai aku.

Kanta 45:12

Ti manga mag-uli sa Tiru hanggan ti manga pinakamayaman sa kanda mandara manga pamakaun sa kanmu hampay mayad kawu sa kanda.

Kanta 6:2

Kaawai aku ag paayada, dahil magpanlumuy yi aku.

Isikil 3:6

Nu ipadara niku kawu sa nasakupan tuhay kanda pamagaw ag makuri intindihun, pihu mamatingi sida sa kanmu.

Matiyu 1:1

Inda ti listahan gimpuunan lahi ni Hisu-Kiristu, ginan sa linahi ni Dabid, ginan diman waydi sa linahi ni Abraham.

Matiyu 15:23

Dapat unman gid nagsagut si Hisus. Nagpakarani kay manga tuludluan magkun sa kanya, “Sabihi duy nimu siya danga yi siya sitay, maingay.”

Matiyu 17:15

“Duy, kaawai gid nimu kang anak lalaki. Magkatigbak siya, masyadu magkakurian, dahil nu kas-a siya magkagpu atag sa apuy. Nu kas-a magkalagpak atag sa basad danum.

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Matiyu 9:27

Pagka nighit maan si Hisus siyun ginan pag rugar, may nagkuyug sa kanya duwa ka lalaki buta. Magtawag sida magkun, “Kawu duy ti linahi ni Dabid, kaawai nimu kami.”

Lukas 17:13

Nanawag sida daka magkun, “Hisus, Maisturu, duy kaawai gid nimu kami.”

Lukas 18:13

“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”

Lukas 6:18

Nag-atag sida sa kan Hisus hampay mamatingi, ag hampay paayadun niya kanda manga sakit. Pinaayad diman ti manga pinakurian labang.