Matiyu 15:14 - Hanunuu

¹⁴ Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 15:14 Iomraidhean Croise

Isayas 31:3

Ti manga taga Ihiptu tawu diman waydi, bukun Diyus. Kanda manga kabayu bukun manga ispiritu, nu unman parihu diman sa iba manga kabayu. Nu pumarusa yi ti Panginuun, mawayak ti Ihiptu hanggan ti pag-awatan niya pag nasyun. Dapat pararihu sida mawayak.

Isayas 42:19

Kamu kang manga manugsirbi hanggan pinili. Pagsuguun niku kamu kang manga manugbarita, dapat ud may makatupung sa kanyu magpabungul-bungulun ag magpabuta-butaun.

Isayas 56:10

Dahil ti manga takinan Israil manga manugbantay mana sa inda pag nasyun nagbaliw ngap ga manga buta ag unman may alam. Ga manga idu sida magbantay ud magsubang. Kanda gustu pahuway, maturug, ag managin-up.

Isayas 9:16

Ti manga magtakinan sa nasakupan Israil ti manga manugdaya sa kanda, nakan magtalang ti manga nasakupan.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Husyas 4:17

Nalagum yi sida sa manga diyus-diyusan. Pabay-ani yi lang sida!

Malakyas 2:8

Dapat nagsimray kamu sa matadlung pag dalan. Kanyu manga tudlu imaw ti nagpaturun sa mayamu tawu sa pagbuwat kasalanan. Aku, ti Panginuun Makamaskihan, magkumun linabag niyu kang kasunduan sa kanyu ginurang sa kan Libi.

Lukas 6:39

Nagtultul si Hisus usa ka pahalimbawa sa kanda magkun, “Makaabat aw ti buta sa kay kaparihu niya buta? Unman aw nguna sida parihu malagpak sa abwat?

Huwan 9:39

Sinabi ni Hisus magkun, “Nagsitay aku sa kalibutan hampay sintinsiyahan niku ti kasalanan manga tawu, hampay ti manga buta humiling yi, ag ti manga maghiling bumaliw ngap ga buta.”

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

2 Pidru 2:17

Tunda pag manga manugtudlu pudilun parihu ga manga bubun nak-at, parihu sa manga rurum pag-ipayag durus. Hinandaan sida Diyus ulian sa basad piris pag dulum.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.