Matiyu 14:5 - Hanunuu

⁵ Nakan gustu mana ni Hirudis ipamatay si Huwan, dapat magkadala siya sa manga kayamuan Hudiyu, dahil kilala nida purupita si Huwan

Matiyu 14:5 Iomraidhean Croise

Hirimyas 26:21

Pagka nadnugan ni Hari Hihuyakim hanggan tanan may kangaranan ag manga manugpamahala niya ti pagsabihun ni Uryas, ginayak nida matyun siya. Dapat naalaman inda ni Uryas, nakan nalagiw siya atagbug sa Ihiptu dahil sa kadalaan.

Matiyu 11:9

Dapat hintay ungud kanyu hinanap? Usa aw ka purupita? Hu ngani duy. Dapat kang pagsabihun sa kanyu balaw lang purupita siya.

Matiyu 21:26

Dapat nu sabihun nita, ginan sa manga tawu, magkadala kita sa kayamuan, dahil nakilala tanan tawu si Huwan purupita Diyus.”

Matiyu 21:32

Dahil nagsitay si Huwan sa kanyu, ipinakilala niya ti matadlung pag ugali, dapat unman kanyu pinaniwalaan. Dapat pinaniwalaan ngap siya manga manunukut buhis hanggan manga uragin. Pagka nakitan niyu tunda, unman diman kamu nagbag-u kanyu pag-iisip, hampay mana kamu magpaniwala waydi sa kan Huwan.”

Lukas 20:6

Dapat nu sabihun nita tawu ti may pakaun, barang bintukun kita batu manga tawu. Dahil magpaniwala gid sida si Huwan purupita.”

Binwat 4:21

Lalu waya ngap sida hinigpitan manga pinunu bag-u sida pinalpasan. Unman sida may mag-akitan kadautan agud maparusahan ti duwa, dahil ti manga tawu magdayaw gid sa Diyus sa nangyari.

Binwat 5:26

Nakan nag-ati sa Balay Diyus ti kapitan hanggan kay manga pulis bag-u kanda bin-ul ti manga apustul dapat unman kanda kinaragasyun. Magkadala waydi ti manga pulis barang sida batuhan kayamuan tawu.