Matiyu 13:6 - Hanunuu

⁶ Dapat pagka nasinggitan masyadu gid pag init, nalayung tunda dahil unman may gamut aba.

Matiyu 13:6 Iomraidhean Croise

Isayas 49:10

Balaw sida lun-usun ngatay uwawun. Balaw sida masinggitan masyadu pag singgit init ngatay mainit pag durus sa pangawakawaan. Dahil aku ti magpahalaga sa kanda imaw ti gumiya sa kanda tabug sa manga bulbugan.

Matiyu 13:21

Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Matiyu 13:5

Kay iba nipamgas sa mabatu, ag manipis lang pag daga. Madali nagtubu ti binhi dahil manipis lang pag daga.

Matiyu 13:7

Kay iba binhi nipamgas sa basad kadugihan. Pagka linmangba ti manga dugi, pinil-it ti binhi.

Markus 4:6

Dapat pagka nasinggitan masyadu gid pag init, nalayung yi tunda dahil unman may gamut aba.

Lukas 8:13

Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 2:7

Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

Ipinakakit 7:16

Balaw yi sida lun-usun, unman yi uwawun. Balaw yi sida mainitan, balaw yi sida ga magkapalian init.