Matiyu 13:57 - Hanunuu

⁵⁷ Nag-alinlangan gid sida sa kanya. Nakan sinabi ni Hisus sa kanda, “Ti purupita paggalangun di una naan, purya lang sa kay sadili banwa hanggan sa kay manga katawuhan.”

Matiyu 13:57 Iomraidhean Croise

Isayas 49:7

Ti Panginuun, ti Manugribri ag Banal pag Diyus Israil, magkun sa tawu pagpuyaan ag pagkayagtingan manga nasyun hanggan manugsirbi manga takinan, “Makitan manga hari nu si unu gid ungud kawu ag tumindug sida hampay galangun kawu. Ti manga takinan yumuk-ub sa kanmu. Mangyari inda dahil sa kangku, ti Panginuun matinupadun, ti Banal pag Diyus Israil. Aku ti nagpili sa kanmu.”

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Isayas 8:14

Aku ti kanyu palalan-iban. Dapat sa manga taga Israil ag taga Huda, parihu aku sa usa ka batu karadayaanan makapatalakpa sa kanda. Ag para sa manga taga Hirusalim, parihu aku sa usa ka suduk.

Matiyu 11:6

Papaladan Diyus ti tawu unman mag-alinlangan sa kangku.”

Matiyu 13:58

Unman siya may binwat ati mayamu pag manga makadululaw dahil sa unman sida magpaniwala.

Markus 6:1

Nighit si Hisus siyun ginan nag-atag sa kay kinadak-anan pag banwa. Nagkuyug diman sa kanya kay manga tuludluan.

Markus 6:14

Nakaras-ug waydi sa kan Hari Hirudis ti barita tungkul sa kan Hisus, dahil nibantug kay ngaran niya. Magkun ti manga tawu, “Si Huwan Manugtulbaw tunda. Binuhi siya uman, nakan may kamaskihan siya magbuwat manga makadululaw.”

Markus 6:3

Unman aw siya ti manugpanday, kay anak ni Mariya, ag patar-ari nida ni Santiyagu, ni Husi, ni Hudas ag ni Simun? Ag unman aw sitay sa kanta diman kay manga patar-ari babayi?” Nag-alinlangan yi ti manga tawu sa kanya.

Markus 6:4

Nakan sinabi ni Hisus sa kanda magkun, “Ti purupita paggalangun di purya lang sa kay sadili banwa, sa kay manga katawuhan niya ag sa kay sadili balay.”

Lukas 4:24

Magkun si Hisus, “Ungud duy kang pagsabihun sa kanyu, unman may purupita pagbayaun sa kay nagkalusadan pag daga.

Lukas 7:23

Magkun si Hisus, “Papaladan Diyus ti tawu nu unman mag-alinlangan siya sa kangku.”

Huwan 4:44

Si Hisus yi waydi ti may sabi magkun, “Ti purupita unman paggalangun manga tawu sa kay sadili banwa.”

Huwan 6:42

Sinabi nida magkun, “Unman aw lugud inda pag tawu si Hisus, kay anak ni Husi? Kilala nita kay ama hanggan kay ina. Kabitay lugud pag masabi niya kuntay siya nagsitay ginan sa langit?”

Huwan 6:61

Madi unman may nagtultul, alam di waydi ni Hisus magrayansan kay manga tuludluan. Nakan sinabi niya sa kanda magkun, “Mag-alinlangan aw kamu dahil sa kang manga sinabi sa kanyu?