Matiyu 13:44 - Hanunuu

⁴⁴ Magkun si Hisus, “Ti kaharian langit parihu sa yaman nakalubung sa usa ka tanman. Nakutkut tunda usa ka tawu bag-u kay dap maan tinabunan. Sa daka pag kabayaan niya nag-ati siya ipinabili niya ti tanan niya pag kasiyunan bag-u kay binili tunda pag tanman.”

Matiyu 13:44 Iomraidhean Croise

Hub 28:13

Unman alam tawu nu naan inda pag masampakan. Unman inda makitan sitay sa kalibutan.

Kabagawan 16:16

Mas mayad ti magkaimaw kadunungan hanggan intindi kaysa magkaimaw gintu ag pilak.

Kabagawan 17:16

Unman may pulus ti paggastus sa pagpaadal sa kurang kay intindi pag tawu dahil balaw waydi niya gustu dumunung.

Kabagawan 18:1

Ti tawu makasadili magpablag sa kayamuan ag magsalumpang sa tanan mayad pag kaisipan.

Kabagawan 23:23

Pagsikap kawu makatanggap katutuuhanan, kadunungan, ag mayad pag-ugali hanggan pan-intindi. Ag danga gid nimu inda pagbalyuhan sa una hintay pag bagay.

Isayas 55:1

Magkun ti Panginuun, “Pagpakarani kamu, kamu tanan ti magkauwaw, indaay ti danum! Una unman kamu may kuwarta, pagpakarani kamu, pag-inum hanggan pagkaun! Abala kamu, pagbuul kamu intus ag gatas hanggan butiran karan-unun balaw may bayad!

Matiyu 13:24

Itinultul diman ni Hisus inda pag pahalimbawa sa kanda magkun, “Ti kaharian langit kainda nangus: may tawu nagpamgas mayad pag binhi sa kay tanman.

Matiyu 13:46

Pagka nakakit siya usa ka batu sa manlut subra gid kay halaga, nag-ati siya ipinabili niya ti tanan niya pag kasiyunan bag-u kay binili tunda pag batu sa manlut.”

Matiyu 13:47

Magkun si Hisus, “Ti kaharian langit parihu diman sa usa ka daka pag sarap tinaktak sa dagat, nakablay tuhay-tuhay pag isda.

Matiyu 19:21

Magkun maan si Hisus, “Nu kanmu gustu udyi kawu may kakurangan sa kay magbantay Diyus, pag-ati kawu, pabilihan nimu kanmu kasiyunan bag-u ayaw-ayawa nimu sa manga pugri kay kabilyanan. Nu matupad nimu tunda, magkaimaw kawu kayamanan sa langit. Bag-u pagsitay maan kawu pagkuyug sa kangku.”

Matiyu 19:27

Bag-u magkun si Pidru, “Malu duy kami inda, tinayakan yi nimi kanmi ulian bag-u kami kinmuyug sa kanmu. Hintay nguna kanmi matanggap?”

Matiyu 19:29

Una si unu ti magtiis magtayak sa kay ulian, sa kay manga patar-ari lalaki, sa kay patar-ari babayi, sa ama sa ina, sa kay manga anak una sa kay daga dahil sa kay magpasakup sa kangku, makatanggap siya usa ka gatus maan kay tulus, makamana waya siya tutuu pag buhi unman may katapusan.

Matiyu 6:21

Dahil nu naan kanmu kayamanan ati diman kanmu isip.”

Lukas 14:33

Katunda diman una si unu sa kanyu balaw mahimu kang tuludluan nu pagpahalgaan waya niya ti tanan sa kay buhi.”

Huwan 6:35

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.

Ruma 15:4

Una hintay ti isinurat sa manga Kasuratan kaybi waya sa ikadunung nita. Nu pagbasahun nita ti manga katutuuhanan sa Banal Kasuratan, amat-amat lalu matiniisun kita ag rumig-un kanta naisipan bag-u siyun maan ginan ti pag-asa nita.

Kulusas 2:3

Sa kanya pag nakapundu ti lubus mahalaga pag kadunungan hanggan kaalaman.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

Hibriyu 10:34

Napadamay kamu sa manga napirisu, balaw diman waydi kamu nagruku una binul-an kamu kasiyunan, dahil alam ngani niyu lalu waya higit mahalaga ag udyi madura ti kayamanan ihinanda para sa kanyu.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.