Matiyu 13:39 - Hanunuu

³⁹ Tunda ngani pag kalaban ti nagsabug manga ilamnun imaw yi ti diyablu. Ti udas tig-arani imaw yi ti katapusan kalibutan. Ti manga anghil ti umani.

Matiyu 13:39 Iomraidhean Croise

Danyil 7:10

Ag may magbulus apuy ginan sa kanya. Linibu ag minilyun manga anghil ti magsirbi sa kanya. Handa yi siya sa pagsintinsiya, nakan binukasan ti manga ribru.

Huwil 3:13

Ga manga aranyun sida kailangan garabun yi dahil lutu yi, aw ngatay ga ubas mahimu yi pigsun dahil punu yi ubas ti pirigsan. Masyadu yi lang sida daut; kanda kasalanan bilang ga pin-ga ubas maglapwas sa sukadan.”

Matiyu 12:32

Una si unu ti bumagaw laban sa Anak Tawu may patawad di dapat ti tawu nu magbagaw laban sa Ispiritu Banal udyi patawadun, una sa kainda katpung pag panahun una hanggan waya aban.”

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Matiyu 13:25

Pagka sa yabi naturug ti manga tawu, rinmas-ug kay kalaban, sinabugan niya manga ilamnun ti tanman bag-u linmakaw.

Matiyu 13:28

Nagsagut siya, ‘Usa ka kalaban ti may buwat tunda.’ Pinaingana siya niya manga panawuhun magkun, ‘Kanmu aw gustu duy ayitun nimi ti manga ilamnun?’

Matiyu 13:40

Nu kabitay pag tipunun ti manga ilamnun bag-u sunugun, katunda ti mangyari aban katpung katapusan kalibutan.

Matiyu 13:49

Katunda diman ti mangyari aban pagka katapusan yi kalibutan. Rumas-ug ti manga anghil, ipablag nida ti manga makasalanan sa manga magpasakup sa Diyus.

Matiyu 24:3

Si Hisus ati sa bantud manga Ulibu. Sa kay matukawan siyun pagka unman may nakadnug iba, pinaingana siya niya manga tuludluan magkun, “Pagtultul duy kawu sa kanmi nu kapira nguna tunda pag mangyari. Hintay kay tanda aban nu arani yi kanmu pagbalik hanggan kay katapusan kalibutan?”

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

1 Kurintu 10:11

Inda ti nangyari sa kanda bilang usa ka puruyba sa kanta, pasay nakasurat sa paalaala sa kanta dahil arani yi kita sa katapusan panahun.

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Hibriyu 9:26

Nu abi balaw katida, kailangan mana paulit-ulit si Kiristu mamatay ginan waya sa umpisa pagkalalang kalibutan. Dapat pagka kainda arani yi ti katapusan kalibutan ipinaburayhaw siya kas-a lang bag-u ipinakaun niya kay sadili sa Diyus hampay mab-ul yi ti kasalanan kalibutan.

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

Hudas 1:14

Ginan sa kan Adam nagkalinahi ti manga tawu kay ikapitu si Inuk. Kaybi di waya nagpurupita diman si Inuk tungkul sa katida pag manga tawu magkun, “Malu, pagbantay kamu, magras-ug ti Panginuun, kaibahan ti manga linibu-libu pag manga anghil Diyus,

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.