Matiyu 13:23 - Hanunuu

²³ Ti nipamgas sa mayad pag daga ipinahalimbawa sa manga magpatingi sa Bagaw Diyus bag-u kanda pag-intindihun. Nagburak sida may tigmananggatus, may tig-unumpulu, may tigtatlumpulu.”

Matiyu 13:23 Iomraidhean Croise

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Matiyu 12:33

Magkun si Hisus, “Nu isipun niyu ti puun kayu mayad hanggan kay burak mayad diman. Nu bay isipun niyu alangan ti puun kayu, daut diman hanggan kay burak. Dahil ginan sa burak pag makilala kay puun nu daut nu mayad.

Matiyu 13:8

Dapat ay kay iba binhi nipamgas sa mayad pag daga nanguhay, kay butir sa kada uhay may tigmananggatus, may tig-unumpulu, may tigtatlumpulu.

Matiyu 3:10

Taynguna maayangan yi ti wasay sa manga dalid kayu. Ti kada puun kayu nu unman magburak mayad, pukanun bag-u iyamut sa apuy.

Matiyu 3:8

Nu ungud kamu nag-ampu yi kanyu manga kasalanan, patutuuhani niyu tunda sa kanyu manga buwat.

Markus 10:15

Ungud duy kang pagsabihun sa kanyu, una hintay pag tawu ti unman ga anak kay magpasakup sa kay paghari Diyus, balaw kabilang sa manga tawu pagharian Diyus.”

Markus 4:20

Ti iba imaw ti nipamgas sa mayad pag daga. Magpatingi sida sa Bagaw Diyus kanda gid pagtanggapun, mamurak sida may tigtatlumpulu, may tig-unumpulu, may tigmananggatus.”

Lukas 13:9

Nu mamurak inda aban sa usa ka timpu, mayad gid. Dapat nu unman bumurak mapukan diman ngani nimu inda.’ ”

Lukas 8:15

Ti sa mayad pag daga, tunda imaw ti manga mayad pag itinuduk sa kay tagipusuun, inalagaan nida ti Bagaw Diyus kanda nadnugan. Nakan magburak mayamu, balaw mag-urung una makuri.”

Lukas 8:8

Dapat ay kay iba nipamgas sa mayad pag daga. Pagka nagtubu, namurak tigus-a ka gatus.” Pagka itinultul ni Hisus inda pag pahalimbawa, inalsa niya kay busis magkun, “Ti may tuli kailangan pagpatingi.”

Huwan 15:16

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Huwan 8:47

Nu ti tawu anak yi Diyus, tanggapun niya kay manga bagaw Diyus. Nakan unman pagtanggapun niyu kang pag-itudlu, dahil unman kamu manga anak Diyus.”

Binwat 16:14

May usa ka babayi namatingi diman sa kanmi kay ngaran si Lidya taga Tiyatira. Magtinda siya manga pisahan ga dukut dungun ubi. Magsamba siya sa Diyus. Pinalug-ud Panginuun kay tagipusuun hampay maniwala siya sa kay itinudlu ni Pablu.

Binwat 17:11

Lalu waya mayad kahampang ti manga Hudiyu sa Biriya balaw lang ga sa Tisalunika. Lubus paggustuhan nida magpatingi sa kan Pablu tudlu. Sirang-sirang pag-usisahun gid nida ti Banal Kasuratan hampay maalaman nida nu ngatay tutuu kan Pablu pagsabihun nu ngatay unman.

2 Kurintu 9:10

Ti Diyus tigpakaun binhi hampay ipamgas hanggan karan-unun hampay may makaun, siya ti pumakaun binhi sa kanyu, siya diman ti pumadaka hampay mamurak abunda kanyu mayad buut naisipan.

Pilipus 1:11

Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Pilipus 4:17

Balaw kuntay sa may paghingbutun manga pakaun. Dapat ti mahalaga gid sa kangku nu yumamu waya kanyu manga mayad buwat hampay may matanggap waydi kamu pirimyu aban.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 1:6

Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

1 Tisalunika 4:1

Usa sa siyun, manga patar-ari, magpaalam waya mana kami kanmi paanyu sa kanyu dahil sa kanta pakiusa sa Panginuun Hisus. Kailangan kanyu ugali pag-angay sa kanyu nataw-an ginan sa kanmi hampay lalu waya sa ikabaya Diyus. Imaw yi kanyu ugali dapat paglalu waya gid sa ikabaya Diyus.

2 Tisalunika 2:10

Gumamit siya tanan paraan pag pamadaya hampay madaya tag sa kadautan ti manga midamhak, tunda ngani pag manga tawu miribri mana nu nangus kanda lang tinanggap ag minahal ti katutuuhanan.

Hibriyu 4:2

Dahil ti Mayad pag Barita itinultul diman sa kanta parihu ga sa kanda kaybi. Dapat unman nida napakinabangan tunda pag barita kanda nadnugan, dahil pagka nadnugan nida, unman sida nagsarig sa kanda tagipusuun.

Hibriyu 6:7

Pagpapaladan Diyus ti daga nu hurum dahil uranan bag-u tubuan manga tanum makinabangan niya apu.

Hibriyu 8:10

Magkun ti Panginuun, “Pagkatapus ati, buwatun niku inda pag taratu sa nasyun Israil. Ipauli niku kang manga Kasuguan sa kanda naisipan, ag isurat sa kanda manga tagipusuun. Aku kanda yi Diyus aban, sida aban kang yi nasyun.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.