Matiyu 13:19 - Hanunuu

¹⁹ Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Matiyu 13:19 Iomraidhean Croise

Kabagawan 1:7

Nu ti usa ka tawu magkaibug dumunung kailangan paggalang siya sa Panginuun. Ti tawu kurang kay intindi unman magkaibug kadunungan ag balaw niya gustu tumadlung kay ugali.

Kabagawan 17:16

Unman may pulus ti paggastus sa pagpaadal sa kurang kay intindi pag tawu dahil balaw waydi niya gustu dumunung.

Isikil 31:18

“Hari Ihiptu, unman gid may kayu sa Idin ti makatupung sa kanmu karinuan hanggan kapangyarihan. Dapat ilagpak diman kawu sa sirung daga kaibahan manga kayu Idin. Ati magkaraibahan kamu sa manga tawu unman magsarig sa Diyus, manga nagkaramatay yi sa girahan. “Imaw inda ti mangyari sa hari Ihiptu hanggan sa kay nasakupan. Aku, ti Panginuun Diyus, ti magsabi inda.”

Matiyu 12:26

Nu abi si Satanas magpalwas sa kay manga nasakupan, pagkalabanun ngap niya kay sadili, pihu mawayak kay kaharian.

Matiyu 13:20

Ti ipinahalimbawa sa binhi nipamgas sa mabatu ag manipis pag daga, tunda ngani ti manga nagpatingi sa Bagaw Diyus bag-u masulung mana kanda naisipan susun yi kanda tinanggap.

Matiyu 13:38

Ti tanman imaw yi ti kalibutan. Ti mayad pag binhi imaw yi ti manga tawu pagharian Diyus. Ti manga ilamnun imaw waydi ti manga tawu pagharian diyablu.

Matiyu 4:23

Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Matiyu 5:37

Dapat ay kang-ud yi ti sabihun nimu ‘Hu ngani’ nu hu. Sabihun nimu ‘Unman’ nu unman waydi. Ti lumabis siti ginan yi gid sa kan Satanas pag kadautan.”

Markus 4:15

Tunda yi ngani manga sa saruy dalan imaw ti manga manugpatingi. Pagka ipinamgas ti Bagaw sa kanda manga tagipusuun ag kanda napatingihan, kadaka nagras-ug si Satanas, pagpalimutun niya ti Bagaw Diyus ipinamgas sa kanda manga tagipusuun.

Lukas 10:9

Paayada niyu ti may manga sakit ati ag kanyu sabihun sa kanda, ‘Nagpakarani yi sa kanyu kay paghari Diyus.’

Lukas 9:2

Bag-u sinugu niya sida hampay kanda itudlu magkun, “Diyus ti maghari sa tanan bagay.” Ag hampay magpaayad sida sa may manga sakit.

Huwan 18:38

Bag-u sinabi ni Pilatu magkun, “Hintay nguna ti katutuuhanan?” Bag-u napalwas maan si Pilatu tabug sa manga tawu sa sugkadan. Sinabi ni Pilatu magkun, “Unman aku may mag-akitan dapat ikaparusa sa kanya.

Huwan 8:43

Nakan unman magkasalman niyu kang pagsabihun sa kanyu, dahil unman kamu madunung magtanggap sa kang pag-itudlu sa kanyu.

Binwat 17:32

Pagka nadnugan nida kan Pablu tudlu tungkul sa pagkabuhi maan manga namatay, nag-ayupaka ti iba. Dapat sinabi manga iba magkun, “Magkaibug waya kami mamatingi aban sa kanmu tudlu tungkul sa kanmu sinabi taynguna.”

Binwat 18:15

Dapat kanyu dimanda maaw tungkul lang sa manga bagaw, manga ngaran hanggan tungkul sa manga Kasuguan sa kanyu sa manga Hudiyu. Nakan aku dayu maghusay sa kanyu sa katunda pag harampangan. Pagbahala yi kamu.”

Binwat 20:25

Magkun si Pablu, “Namatalapudan aku sa kanyu tanan ag nanudlu aku tungkul sa kay paghari Diyus. Dapat alam niku taynguna ginan udyi makitan niyu kang uyahun.

Binwat 28:23

Nakan nagtararatuhan sida sa iba sirang. Pagka ati katpung pag sirang, lalu waya mayamu tawu ti naglinuwang tag sa kan Pablu pagdayunan pag balay. Ginan surip hanggan yabi malinaw gid kay itinultul niya sa kanda tungkul sa kay paghari Diyus. Ginamit niya ti Kasuguan ni Muysis hanggan ti Kasuratan manga Purupita hampay maintindihan nida ti katutuuhanan tungkul sa kan Hisus.

Ruma 1:28

Unman inisip nida mahalaga ti pagkilala sa Diyus, nakan pinasibut-an sida Diyus sa kanda daut pag-iisip hampay balaw yi maangay kanda ugali.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 2:8

Dapat mahigpit pag galit kay ganti Diyus sa manga magbuwat kaguluhan, sa manga dayu magpaniwala sa katutuuhanan, bagkus naniwala di ngap sa kadautan.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

2 Tisalunika 2:12

Nakan ngani masintinsiyahan Diyus sa kaparusahan ti tanan tawu magdayu magpaniwala sa katutuuhanan, bagkus ngap binaya nida ti kadautan.

Hibriyu 2:1

Nakan kailangan intindihun gid nita ti manga bagay kanta nadnugan, hampay balaw kita tumalang sa katutuuhanan.

1 Huwan 3:12

Balaw parihu sa kan Kain. Sakup siya May Puun Kadautan nakan linibun niya kay ari. Nakan kan Kain linibun kay ari dahil matadlung ti buwat niya ari, kan Kain bay lunsay kadautan.

1 Huwan 5:18

Magkaalaman nita una si unu ti anak Diyus dayu pumadayun sa kasalanan, dahil pag-alagaan siya Anak Diyus ag dayu makagaraw sa kanya si Satanas.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.