Matiyu 13:15 - Hanunuu

¹⁵ Maganit kay tagipusuun inda pag manga tawu. Makuri makadungug kanda manga tuli, ag ipinusik nida kanda manga mata, dahil dayu nida ibantay ngatay ipakidnug, barang makaunawa kanda tagipusuun ag bumalik sida sa kangku, ag kang paayadun.’

Matiyu 13:15 Iomraidhean Croise

Kanta 119:70

Inda pag manga marapadayaw unman may pan-intindi sa kanmu kasuguan, dapat aku magbaya sa pagsunud sa inda.

Kabagawan 16:30

Pag-aman kamu sa manga tawu magkayuum-yuum ag magkindat-kindat dahil barang may daut sida gayak.

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Isayas 57:18

Nakitan niku kanda manga pag-ugaliun, dapat paayadun di niku sida. Giyahan niku sida ag pasulungun ti manga magkapanglaw sa kanda.

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Hirimyas 17:14

Panginuun, paayada duy nimu aku hampay maayadan; iribri duy nimu aku ag maribri aku. Kawu lang gid kang dayawun.

Hirimyas 17:9

“Ti tagipusuun tawu madaya subra sa tanan, ag lubus gid daut; si unu ti makaalam inda?

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Sakaryas 7:11

“Dapat unman gid nida pinahalgaan kang sinabi. Binugyahan nida inda ag unman nida pinatingihan.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

Markus 4:12

hampay angay sa isinurat sa Banal Kasuran magkun, ‘Una sida magpakabantay, unman may mag-akitan, una sida magpakapatingi, unman diman may naintindihan. Nu bukun katida barang bumalik sida sa Diyus ag patawadun sida.’”

Lukas 19:42

magkun, “Nu nasalman lang nimu taynguna nu hintay kanmu kailangan hampay may kahusayan. Dapat taynguna unman ngap nakilala nimu.

Binwat 28:27

Dahil maganit yi kay tagipusuun inda pag manga tawu. Pinut-an nida kanda manga tuli. Ipinikat nida kanda manga mata, hampay unman makakit kanda manga mata, ag unman makadnug kanda manga tuli, ag hampay unman diman umintindi kanda tagipusuun. Magkun ti Diyus, nakan katida hampay sida unman bumalik sa kangku. Dayu waydi paayadun niku sida.’”

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Binwat 7:57

Dapat pinuputan di ngap manga Pinunu kanda manga tuli bag-u nanmaragritan. Bag-u nandurunganan sida nandalada sa kan Istiban,

2 Timutiyu 4:4

Kanda hilig aban sa manga suyut lang, dayi patingihan nida ti katutuuhanan.

Hibriyu 5:11

Mayamu waya mana kanmi sabihun tungkul sa inda dapat makuri mipaliwanag dahil naglumuy kamu sa kanyu intindi.

Ipinakakit 22:2

Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.