Matiyu 12:34 - Hanunuu

³⁴ Kamu ga linahi manga udtu adlaw. Kabitay pag masabi niyu ti mayad pag manga baragawun nu kamu ngap daut. Dahil nu hintay ti hinamnu tawu sa kay tagipusuun imaw diman kay pagbagawun.

Matiyu 12:34 Iomraidhean Croise

Kanta 53:1

Magkun ti manga kurang kay intindi sa kanda sadili, “Unman may Diyus!” Daut sida tanan ag mayagting kanda manga pagbuwatun. Unman una di usa sa kanda ti magbuwat mayad.

Kanta 64:3

Marasakit sida nu magbagaw, parihu sa baladaw hanggan ugyung.

Kanta 64:5

Paggaryahun nida ti usa kag usa agud buwatun kanda gayak daut. Ag paggayakun nida nu naan nida pag ipauli kanda manga suduk. Magkumun sida, “Balaw may makakit inda.”

Kabagawan 16:23

Ti madunung pag tawu magdahan gid sa kay baragawun, nakan magdunung ti iba sa kanya.

Kabagawan 4:23

Alagai kaayad kanmu isip, dahil nu hintay kanmu pag-isipun imaw diman kanmu buhi.

Isayas 32:6

Dahil kayabangan ti pagbagawun manga luku-luku, ag ti daut niya naisipan maggayak bumuwat kadautan. Magtultul siya kapudilan tungkul sa Panginuun, ag pag-irangan niya ti manga magkalun-us hanggan magkauwaw.

Isayas 59:14

Imaw ti singyanan nakan udwaya pagsintinsiyahan Diyus kanta manga kalaban ag udwaya kita pagpakan-an panalu may katadlungan. Dahil udyi mag-akitan ti katutuuhanan una naan, ag ti manga tawu balaw yi masarigan.

Isayas 59:4

Balaw niyu pag-isipun ti katadlungan; ti manga bangdan niyu sa kanyu manga kaparihu pudu kapudilan. Daut kanyu manga pag-isipun, bag-u imaw tida kanyu pagbuwatun.

Isayas 9:17

Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.

Matiyu 12:35

Nu mayad pag tawu mayad diman pag bagaw kay pagbulwatun dahil punu kaayadan kay tagipusuun. Nu daut pag tawu daut waydi kay pagbagawun dahil punu kadautan kay tagipusuun.

Matiyu 15:18

Dapat ay ti magluwang sa bibig ginan ngap sa tagipusuun. Tunda yi ngani ti mag-uring sa tawu.

Matiyu 23:33

“Kamu ga manga ulay, linahi manga udtu adlaw. Kabitay kamu pag makaiwas sa sintinsiya tabug sa impirnu?

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Lukas 3:7

Naglinuwang ti kadamlan manga tawu hampay patulbaw sa kan Huwan. Magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Lukas 6:45

Ti mayad pag tawu magbulwat mayad pag naisipan ginan sa kay hinamnu kaayadan sa kay tagipusuun. Dapat ti daut pag tawu magbulwat daut pag naisipan ginan sa kay hinamnu kadautan sa kay tagipusuun. Dahil nu hintay ti pagbagawun bibig, imaw kay sukad sa kay tagipusuun.”

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Ipisu 4:29

Danga kamu magbagaw daut, pag-isipa pirmi kanyu baragawun tunda ikamayad, insaktu sa kay udas, hampay makinabangan manga nakadnug.

Ipisu 5:4

Danga yi pagpakan-i rugar una hintay pag mahalay, una manga harampangan ud may kabuluhan, una ti harakutan ud may pulus. Bagkus ngap pagpasalamat gid kamu sa Diyus.

Santiyagu 3:2

Kita tanan pirmi magsalan. Una si unu pag tawu nu unman magsalan sa kay bagaw, unman yi may ikasabi sa kanya. Mapinigilun siya sa kay sadili bilug.

1 Huwan 3:10

Sitay pag makilala ti manga anak Diyus ag ti manga anak diyablu. Una hintay pag tawu ti unman mag-ugali sa matadlung, unman siya anak Diyus, una ti tawu nu unman pagmahalun niya kay patar-ari, unman diman siya anak Diyus.

1 Samwil 24:13

imaw ngani ti pagkumnun sa sarabihun, ‘Ti daut lang pag tawu ti magbuwat daut.’ Nakan balaw niku kawu buwatan kadautan.