Matiyu 12:30 - Hanunuu

³⁰ “Ti unman pabliwa sa kangku, kalaban yi ngap niku. Ti unman umawat sa kangku sa kang magpatipun, imaw ti magwatak.

Matiyu 12:30 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kanta 94:16

Unman may tuhay mag-awat sa kangku laban sa daut pag manga tawu, nu unman kawu lang gid, Panginuun.

Kabagawan 11:24

Ti maraayaw pag tawu lalu di magyamu kanda kayamanan, dapat ti manga makasadili lalu di magkuri.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Matiyu 12:29

“Nu mabisug pag tawu ti may puun balay, kabitay may makasaka sa siti pag balay hampay umagaw kay butang nu unman gapusun dapu niya kay apu mabisug, bag-u mahimu siya sumaka umagaw kay butang.

Matiyu 6:24

Sinabi ni Hisus magkun, “Unman may makasirbi dungan sa duwa ka amu. Dahil dayuun niya ti usa, ti usa kay adiun. Sirbihan niya mayad ti usa ag pabay-anan lang kay usa. Dayu masirbihan niyu dungan ti Diyus hanggan ti kayamanan.

Markus 9:40

Dahil ti unman maglaban sa kanta, kakampi diman nita.

Lukas 11:23

Ti unman pabliwa sa kangku, kalaban niku. Ti unman umawat sa kangku sa kang magpatipun, imaw ti magwatak.”

Lukas 9:50

Dapat sinabi ni Hisus sa kanda, “Danga pag-irangi dahil ti unman maglaban sa kanyu, kakampi diman niyu.”

Huwan 11:52

Ag balaw lang para sa nasyun Hudiyu. Mamatay diman si Hisus hampay tipunun niya ipaminsan ti manga anak Diyus nangalat-kalat sa buu kalibutan.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”

Huswi 5:13

Habang ati si Huswi sa arani Hiriku, kadaka niya nakitan ti tawu matindugan sa kay atubangan may bitbit baladaw. Pinaingana siya ni Huswi, “Sundalu aw kawu nimi ngatay kalaban?”

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.