Matiyu 12:26 - Hanunuu

²⁶ Nu abi si Satanas magpalwas sa kay manga nasakupan, pagkalabanun ngap niya kay sadili, pihu mawayak kay kaharian.

Matiyu 12:26 Iomraidhean Croise

Matiyu 13:19

Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 9:34

Dapat sinabi manga Parisiyu, “Takinan manga labang ti nagpakaun kapangyarihan sa kanya hampay makapalwas sa manga labang.”

Huwan 12:31

Taynguna yi ti kaudasan hampay pihuun Diyus ti manga tawu sa babaw daga nu daut nu mayad. Taynguna tulakun yi tag sa luwas ti pangulu inda pag kalibutan.

Huwan 14:30

Udyi aku may rugar hampay maghampang waya sa kanyu dugay, dahil sab arani yi ti pangulu kalibutan. Unman may mabuwat siya sa kangku nu unman pahintulutan Ama.

Huwan 16:11

Ipakakit diman niya sa kanda ti Diyus sumintinsiya sa kanda, dahil nasintinsiyahan yi si Satanas imaw ti maghari sa kalibutan.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 16:10

Ibinuhus maan ikalima pag anghil kay sukad ginan sa kay pinggan malukung tag sa tukawan hayup malangas. Nagdulum yi kay kaharian, nanakmulan ti manga tawu kanda bibig sa sakit.

Ipinakakit 9:11

Ti anghil tigbantay sa kaabadbasadan imaw kanda hari. Sa bagaw Hibriyu kay ngaran Abadun, nu sa bagaw Giriyigu kay ngaran Apulyun, kay kahulugan pag ngaran manugdaut.