Matiyu 12:21 - Hanunuu

²¹ Ag ti manga tawu sa tanan pag nasyun sumarig sa kanya.”

Matiyu 12:21 Iomraidhean Croise

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 42:4

Balaw gid siya manlumuy ngatay maduraan pag-asa hanggan sa unman niya lubus naipalantap ti katadlungan sa buu kalibutan. Una ti manga tawu sa ararayu pag rugar manpatigagad sa kay manga tudlu.”

Matiyu 12:22

Ati katpung dinara atag sa kan Hisus ti usa ka lalaki buta buyun waya paman, inapuan labang. Pinaayad ni Hisus tunda pag tawu, magbagaw yi maghiling.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.