Matiyu 12:14 - Hanunuu

¹⁴ Nagluwas ti manga Parisiyu ginan sa simbahan manga Hudiyu, nagpululungan sida nu kabitay pag ipamatay nida si Hisus.

Matiyu 12:14 Iomraidhean Croise

Matiyu 26:4

Ginayak nida ipadakup si Hisus sa daya bag-u kanda ipamatay.

Matiyu 27:1

Pagka surip, nagpululungan ti tanan manga pangulu manughandug hanggan ti manga paggurangunun manga Hudiyu laban sa kan Hisus hampay siya matyun.

Markus 14:1

Duwa wadi ka sirang bag-u Kapistahan yi sa Pag-alaala sa Karibrihan hanggan Kapistahan manga Tinapay unman may Pamadaka. Pag-isipun yi manga pangulu manughandug hanggan manga manugtudlu Kasuguan nu kabitay kanda ipadakup si Hisus sa lihim bag-u ipamatay.

Markus 3:6

Nagluwas yi sa simbahan manga Hudiyu ti manga Parisiyu. Kadaka nagpululungan sida sa manga nagpakampi sa kan Hirudis, nu kabitay kanda ipamatay si Hisus.

Lukas 22:2

Pag-isipan yi manga pangulu manughandug hanggan manga manugtudlu Kasuguan nu kabitay kanda maipapatay si Hisus. Dahil magkadala sida sa manga tawu.

Lukas 6:11

Dapat lalu sida nagalit, nakan nagpululungan sida nu hintay ti buwatun nida laban sa kan Hisus.

Huwan 10:31

Nagpunpun yi gid maan manga batu ti manga Hudiyu hampay ibintuk sa kan Hisus.

Huwan 10:39

Pagkaibgan maan nida dakpun si Hisus dapat siya nalagiw ginan sa kanda atubangan.

Huwan 11:53

Nakan ngani tunda ginan pag sirang paggayakun yi manga pinunu Hudiyu ipamatay si Hisus.

Huwan 11:57

Ti manga pangulu manughandug hanggan ti manga Parisiyu nagbilin sa manga tawu magkun, “Nu may tawu nakaalam nu naan si Hisus, kailangan itudlu niya sa kanmi hampay kanmi dakpun siya.”

Huwan 5:18

Pagka sinabi ni Hisus tunda lalu waya siya paggayakun matyun manga pinunu Hudiyu, dahil naglabag siya sa pagsabihun sa Kasuguan tungkul sa Sirang Pamahari, ag pagkumnun waya niya ti Diyus kay gid Ama, kay ibug sabihun pinaparihu niya kay sadili sa Diyus.

Huwan 7:30

May manga tawu kanda mana pagkaibgan dakpun si Hisus, dapat unman may makadakup sa kanya dahil udwaya rinmas-ug kay taning pag udas.

Huwan 7:32

Naalaman manga Parisiyu ti sarabihun manga tawu tungkul sa kan Hisus, nakan sida hanggan ti manga pangulu manughandug nagpasugu sa manga guwardiya nida hampay kanda dakpun si Hisus.

Huwan 7:44

May manga tawu ati kanda gustu siya dakpun yi, dapat unman may tawu nakadakup sa kanya.

Huwan 8:59

Nagpunpun ti manga Hudiyu manga batu hampay kanda ibintuk sa kan Hisus. Dapat napatagu si Hisus bag-u nagluwas siya sa Balay Diyus.