Matiyu 11:7 - Hanunuu

⁷ Pagka nuli kay manga tuludluan ni Huwan, magbagaw si Hisus tag sa manga tawu tungkul sa kan Huwan magkun, “Kanyu nag-ati sa kan Huwan sa pangawakawaan hintay kanyu hinanap? Usa aw ka tawu ka bahi aynu pagtandugun durus?

Matiyu 11:7 Iomraidhean Croise

Gimpuunan 49:4

Dapat parihu kawu sa magkulkulu danum, dahil unman kawu makapigil sa kanmu pagkaibgan. Ag dahil nangulid kawu sa kang suruguun pag asawa ag ipinakay-a nimu aku, balaw yi kawu lumamang sa iba.

Matiyu 11:8

Hintay ngani kanyu hinanap? Nanduaw lang aw kamu sa tawu marinu kay rutay? Ti may manga rutay marinu kabay sa ulian di manga hari.

Matiyu 12:20

Unman niya puldun ti tigbi nu nahapay. Unman diman pus-an niya ti sulu una magrapyung, hanggan sa udwaya manalu kay katadlungan.

Matiyu 21:25

Naan ginan nguna kay pahintulut kan Huwan para mantulbaw? Ginan aw sa langit aw ngatay sa manga tawu?” Nagharampangan dapu sida magkun, “Nu sabihun nita, ginan sa langit, sabihun niya sa kanta, ‘Hayga unman naniwala kamu sa kanya?’

Matiyu 3:5

Nagdulud sa kanya ti manga tawu taga Hirusalim, una hanggan ginan sa Hudiya hanggan ginan sa libut sapa Hurdan.

Lukas 8:18

“Isipa niyu nu kabitay kanyu magpatingi. Dahil una hintay pag tawu ti may imaw dugangan waya. Una hintay pag tawu ti unman may imaw, una ti pagsarigan mana niya bul-un diman gid aban ginan sa kanya.”

Huwan 1:38

Nangaliwliw si Hisus. Pagka nakitan niya sida magkuyug, pinmaingana siya sa kanda magkun, “Hintay duy kanyu paghanapun?” Sinmagut sida magkun, “Naan duy kawu pag mag-uli, Rabi?” (Ti Rabi kay ibug sabihun Maisturu.)

Huwan 5:35

Sa kay magtudlu si Huwan parihu ga sulu nasul-an rinmayaw. Naibug diman kamu nakabaya ngalay-ngalay sa kay pag-itudlu ga sa marayaw.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Santiyagu 1:6

Dapat ti tawu nu maghagad kailangan pag may sarig. Danga mag-alinlangan, dahil ti mag-alinlangan parihu ga humbak dagat paghuypun durus una naan tag.