Matiyu 11:5 - Hanunuu

⁵ Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 11:5 Iomraidhean Croise

2 Hari 5:14

Nakan linmakaw ngani si Naaman tabug sa Sapa Hurdan ag napatalgub kay sadili makapitu ka bisis, angay sa pagsabihun suruguun Diyus. Tunda ginan mayad yi kay sakit ag malumpiyu yi kay lukub parihu sa lukub lapsag.

2 Hari 5:7

Pagka nabasa hari Israil ti surat, ginisi niya kay rutay dahil sa karukuan ag magkun, “Hayga sa kangku niya pag-ipinadara inda pag tawu hampay paayadun kay sakit sa lukub? Hintay aku, Diyus aw? May kapangyarihan aw lugud aku manmatay ag bumuhi? Magbuwat lang siya dahilan hampay man-girirahan kami!”

Kanta 146:8

pagpaayadun niya ti manga buta hampay makakit, pagpabisugun niya ti manga magpanlumuy, pagmahalun niya ti manga matadlung,

Kanta 22:26

Mangaun ti manga pugri ag mabsug sida. Dayawun kawu manga magdangup sa kanmu. Pagsa kanda ti kaayadan hanggan ti malawig pag buhi.

Pag-ighit 4:11

Magkun sa kanya ti Panginuun, “Si unu ti nagbuwat bibig tawu? Si unu ti may kakayahan baliwun bungul ngatay buyun ti usa ka tawu? Si unu ti magpasya makakit ngatay mabuta siya? Bukun aw aku, ti Panginuun?

Isayas 29:18

Sa ati pag sirang, ti bungul makadnug sa pagbasahun pag ribru. Ag ti buta, kumakit yi, madi unman may mag-akitan nu unman ti kaduluman lang.

Isayas 29:19

Masulung maan ti manga mapinakumbabaun hanggan ti manga pugri dahil sa Panginuun, ti Banal pag Diyus Israil.

Isayas 43:8

Magkun waya ti Panginuun, “Tawaga nimu kang manga nasakupan may manga mata, dapat unman makakit; may manga tuli dapat unman magdungug.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Sakaryas 11:7

Nakan inalagaan niku ti manga karanidu iriyawun manga manugpabili manga karanidu. Nam-ul aku duwa ka sugkud; kay usa iningarnan niku Kaayadan ag kay usa waydi iningarnan niku Pagkarausa.

Matiyu 10:8

Paayadun niyu ti may manga sakit, buhiun niyu ti manga namatay. Paayadun diman niyu ti may dilikadu pag sakit sa lukub, ipalwas niyu ti manga labang. Nagtanggap kamu unman may bayad, pagpakaun kamu balaw waydi may bayad.

Matiyu 11:4

Magkun si Hisus, “Pag-uli maan kamu sa kan Huwan bag-u sabiha maan sa kanya ti kanyu nadnugan ag nakitan.

Matiyu 12:13

Bag-u sinabi ni Hisus atag sa tawu magkun, “Hunatan duy kanmu kamang.” Kay ngani ihinunat kay kamang, nag-ayad yi ngap parihu maan sa kay usa.

Matiyu 21:14

Nagpakarani sa kan Hisus sa Balay Diyus ti manga buta hanggan pilay bag-u sida kay pinaayad.

Matiyu 5:3

“Papaladan Diyus ti manga tawu nu udyi may pagsarigan sa kanda sadili, dahil sa kanda ti kaharian langit.

Matiyu 9:30

Bag-u maghiling yi ngani sida. Mahigpit kay binilinan sida magkun, “Danga pagsabiha niyu inda una sa kantapu pag tawu.”

Markus 7:37

Masyadu yi gid sida magkadulaw magkun, “Kay pagkaayad tanan kay binwat niya. Magpaayad siya sa manga bungul, magpaayad waydi sa manga buyun.”

Markus 9:25

Pagka nakitan ni Hisus ti kayamuan tawu nandurunganan nalagiw atag sa kanya, sinungyaw niya ti labang magkun, “Kawu pag labang tigpabungul magpabuyun, pagsuguun niku kawu pagluwas yi kawu ginan sa kanya ag danga yi kawu magsulud uman sa kanya.”

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Huwan 10:25

Sinmagut si Hisus sa kanda magkun, “Sinabi yi niku sa kanyu dapat unman maniwala kamu. Pagtupadun niku kang buruwatun sa kapangyarihan niku Ama. Tunda ngani pag buruwatun niku ti puruyba tungkul sa kangku.

Huwan 10:38

Dapat ay nu pagtupadun niku ti buruwatun niku Ama, kailangan pagpaniwala kamu sa kang buwat, una abi kamu unman magpaniwala sa kangku. Nu kamu magpaniwala sa kang pagbuwatun, maintindihan niyu kuntay ti Ama minsan sa kangku, aku minsan sa Ama.”

Huwan 2:23

Kay di waya sa Hirusalim si Hisus, katpung sa Kapistahan sa Pag-alaala sa Karibrihan, nakitan manga tawu kay binwat manga makapangyarihan pag tanda, nakan mayamu ti nagsarig sa kanya.

Huwan 3:2

Nag-ati siya sa kan Hisus sa yabi. Bag-u kay sinabi sa kan Hisus magkun, “Maisturu, alam nimi duy kawu sinugu Diyus hampay manugtudlu sa manga tawu. Dahil tunda pag manga tanda kanmu pagbuwatun, mabuwat lang tawu nu sa kanya gid ti Diyus.”

Huwan 5:36

Dapat sa kang manga pagbuwatun pag makilala gid nu si unu aku, balaw lang ga sa kan Huwan itinultul tungkul sa kangku. Pagbuwatun niku ti iinintirga Ama pag buruwatun sa kangku. Nakan tunda ngani pag buruwatun tigpakilala nu si unu aku. Sa kang manga buruwatun pag makitan diman niyu aku sinugu Ama.

Huwan 9:7

Bag-u kay sinabi niya magkun, “Pag-ati duy kawu pag-iram-us sa may pararigsan sa Siluam.” (Tunda pag bagaw Siluam kay kahulugan sinugu.) Nag-ati ngani ti tawu buta nangiram-us. Pagka siya binmalik, maghiling yi siya.

Binwat 2:22

Magkun maan si Pidru, “Kamu pag manga kaparihu niku Israilita, pamatingi kamu. Udyi kamu pumahimudil sa kan Hisus taga Nasarit, dahil may nakitan yi waydi kamu puruyba. Binwat yi ni Hisus sa kanyu atubangan ti manga makamaskihan hanggan makadululaw pag tanda dahil sa kay kapangyarihan Diyus. Tunda balaw yi ngap nilihim sa kanyu.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.