Matiyu 11:17 - Hanunuu

¹⁷ ‘Nagpalawta kami sa kanyu, dapat unman kamu nagtaruk. Nag-ambahan yi kami pabilin, dapat unman kamu nanlumi.’

Matiyu 11:17 Iomraidhean Croise

Gimpuunan 50:10

Pagras-ug nida sa giriukan sa Atad, arani sa Sapa Hurdan, nanhimanglaw sida ati para sa kan Hakub ag masyadu gid sida nanlulumian. Nanhimanglaw si Husi sa sulud pitu ka sirang para sa kay ama.

1 Hari 1:40

Si Sulumun itinibu manga tawu maghuruyawan sa kabayaan ag magpatunug manga palawta nuli sa Hirusalim. Ga magkatandug ti daga sa kanda iringayan.

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Matiyu 11:16

“Naan pag ipaparihu niku ti manga tawu taynguna? Parihu sida ga manga anak matukawan sa palingkihan magtawag sa kanda manga kaparihu magkun,

Matiyu 11:18

Si Huwan nagsitay, unman siya maghandum karan-unun, unman diman siya mag-inum maisug pag irinmun bag-u magkun sida, ‘Inapuan siya labang.’

Matiyu 9:15

Sinmagut si Hisus magkun, “Mahimu aw nguna maruku ti binan-awan sa pamasaruhan nu kaibahan waya nida ti lalaki ipinasaru? Dapat aban bul-un siya ginan sa kanda. Nu udyi siya sa kanda bag-u di unman manhandum karan-unun sida.

Matiyu 9:23

Pagka rinmas-ug si Hisus sa balay pinunu, nakitan niya ti manga manugpalawta hanggan ti kayamuan tawu mag-iringayan.

Lukas 15:25

“Ati katpung kay anak panganay ati di sa kay tanman. Sa kay mag-uli pagka arani yi sa balay, nadnugan niya kanda manga giritarahan hanggan sayawan.

Lukas 23:27

Nagkuyug sa kan Hisus ti kadamlan tawu ginan sa banwa hanggan manga babayi maglulumian magwarawawan dahil sa kanya.

Lukas 7:32

Sida ga manga anak matukawan sa palingkihan, magtarawagan magkun, ‘Nagpalawta kami sa kanyu, dapat unman kamu nagtaruk. Nag-ambahan yi kami pabilin, dapat unman kamu nanlumi.’

Lukas 8:52

Nanlulumian ti tanan tawu nagkarabayngan dahil sa anak babayi. Dapat ay sinabi ni Hisus, “Danga yi kamu maglumi, dahil siya balaw tigbak, maturugan lang siya.”