Matiyu 11:11 - Hanunuu

¹¹ Ungud duy kang pagsabihun sa kanyu, sa tanan nianak unman waya may linmuwang lalu waya mahalaga sa kan Huwan Manugtulbaw. Dapat sa kaharian langit ti pinakaababa pag tawu mataas man sa kan Huwan Manugtulbaw.

Matiyu 11:11 Iomraidhean Croise

Hub 14:1

“Kami manga tawu lang dag-ud kanmi buhi, ag mayamu kanmi kakurian.

Hub 14:4

May tawu aw lugud sa kanmu hurusayan magkabuhi matadlung gid? Unman! Dahil ti tanan iinanak makasalanan.

Hub 15:14

Mahimu aw lugud tawu ti mabuhi malumpiyu ag matadlung?

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Kanta 51:5

Daut aku ag nagsalan ginan waya sa kang pagkalusad.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Sakaryas 12:8

Sa ati pag sirang, ingatan di Panginuun ti manga mag-uli sa Hirusalim hampay una ti pinakamalumuy sa kanda bumaliw ga kan Dabid kay kabisug. Ti manga magtal-anakan ni Dabid bumaliw ga Diyus, ga anghil Panginuun magpanguna sa kanda.

Matiyu 11:10

Dahil may sinabi sa Banal Kasuratan tungkul sa kan Huwan magkun, ‘Inda yi kang sinugu ipinauna sa kanmu. Ialistu niya kanmu lakawan.’”

Matiyu 11:12

Ginan waya sa kay nagtudlu ni Huwan Manugtulbaw hanggan taynguna tugka, ti kaharian langit pag-unuunuhun, pag-agawun manga mag-unuunu.

Matiyu 3:1

Ati katpung pag manga sirang nagras-ug si Huwan Manugtulbaw sa pangawakawaan sa Hudiya. Nanudlu siya magkun,

Matiyu 3:11

Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Matiyu 5:19

Nakan una si unu ti magpasipala sa una lang diit pag sugu inda, bag-u nu magtudlu waya siya magkun dag paniwala sa sugu, kilalan-un siya pinakaababa sa kaharian langit. Dapat una si unu ti magtupad sa Kasuguan bag-u kay pag-itudlu sa manga tawu, siya ingarnan mahalaga pag tawu nu sa kaharian langit.

Lukas 1:15

Dahil may kamaskihan siya aban sa atubangan Panginuun. Danga uminum siya intus, una hintay pag manga makalangu pag irinmun. Ginan di waya sa sulud tiyan niya ina sa kanya yi ti Ispiritu Banal.”

Lukas 7:28

Magkun si Hisus, “Kang pagsabihun sa kanyu, si Huwan lalu mahalaga man sa tanan tawu nianak sa babaw daga. Dapat ay ti pinakamababa pag tawu nu pagharian siya Diyus lalu man mahalaga sa kan Huwan.”

Lukas 9:48

Sinabi niya sa kanda, “Una si unu pag tawu ti magsunud sa kangku ag pakan-an niya halaga inda pag diit anak, aku di ngap kay pinakan-an halaga. Una si unu pag tawu nu pakan-an halaga niya aku, napakan-an waydi niya halaga ti nagsugu sa kangku. Dahil ti pinakaababa sa kanyu tanan imaw yi ngap ti mataas.”

Huwan 1:15

Pinatutuuhanan ni Huwan tungkul sa kanya sa manga tawu. Iinalsa niya kay busis magkun, “Inda yi ngani ti pagsabihun niku, may dumasun usa ka tawu sa kang uryan, makapangyarihan man sa kangku, dahil udwaya aku ainanak daan di siya.”

Huwan 1:27

Siya ti dumasun sa kang uryan, dapat unman gid aku may karampatan makalubad kay higut niya manga lapak.”

Huwan 10:41

mayamu tawu nagpakarani sa kanya. Magharampangan ti manga tawu magkun, “Unman may nabuwat si Huwan manga makadululaw, dapat ti tanan manga sinabi niya tungkul sa inda pag tawu tutuu gid unman may pudil.”

Huwan 3:30

Kailangan siya ti may kadayawan, kailangan aku ti sa sirung.”

Huwan 5:35

Sa kay magtudlu si Huwan parihu ga sulu nasul-an rinmayaw. Naibug diman kamu nakabaya ngalay-ngalay sa kay pag-itudlu ga sa marayaw.

Huwan 7:39

Kay pagtukuyun ni Hisus ti Ispiritu ti matanggap manga tawu nu sida magsarig sa kanya. Ati katpung udwaya ipinakaun ti Ispiritu dahil udwaya nangyari una kay pagkamatay ni Hisus una kay pagkabuhi uman may kadayawan.

1 Kurintu 15:9

Aku ngani ti pinakaababa sa manga apustul, unman aku may karampatan ingarnan apustul, dahil inunu-unu niku ti iglisya Diyus.

1 Kurintu 6:4

Nu kamu may kasaba ngani para sa buhi sitay sa babaw daga, piliun aw lugud niyu ti manga tawu unman maasahan sa iglisya hampay manughusay?

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

2 Timutiyu 1:10

Dapat niburayhaw lang inda pagka rinmas-ug si Kiristu Hisus kanta Manugribri. Tinalu niya ti kamatayan ag ipinakilala ti buhi unman may katapusan sa panab-anan Mayad pag Barita.

Hibriyu 11:40

Inalistu Diyus ti lalu mayad pag bagay para sa kanta, nakan unman waya kinamhan Diyus kay turunu sa kanda hanggan sa udwaya miusa kita sa kanda.

1 Pidru 1:10

Inda pag karibrihan hinugudan suyasidun manga purupita kaybi pagka ipinurupita nida inda pag pakaun kaayadan ti itinigana yi sa kanyu.

1 Samwil 2:30

Aku, kanyu Panginuun, ti Diyus Israil, nantaratu kaybi kuntay kamu lang hanggan kanyu manga ginurang linahi ti makasirbi sa kangku bilang manughandug tugka aban. Dapat unman yi mahimu taynguna, dahil kilalan-un niku ti magkilala sa kangku, dapat kang dayuun ti magdayu sa kangku.