Matiyu 10:5 - Hanunuu

⁵ Sinugu ni Hisus tunda pag sampulu may duwa ka tuludluan kay binilinan magkun, “Danga kamu mag-ati sa daga manga balaw Hudiyu, danga waydi magsulud sa banwa manga Samaritanu.

Matiyu 10:5 Iomraidhean Croise

Matiyu 22:3

Sinugu niya kay manga panawuhun hampay kanda ban-awan yi tag sa pamasaruhan ti manga pinaalaman niya sa kabag-u. Dapat sida dayu magluwang.

Matiyu 4:15

“Ti daga Sabulun hanggan ti daga Niptali lalawyan atabug sa danaw, ati waya inda baliwa sa dipay Hurdan. Inda pag manga rugar sakup Galiliya ulian manga balaw Hudiyu.

Markus 6:7

Tinipun ni Hisus kay sampulu may duwa ka tuludluan bag-u kay sinugu niya sida tigudwa tigudwa ag pinakan-an niya sida kamaskihan laban sa manga labang.

Lukas 10:1

Bag-u nagpili waya ti Panginuun pitumpulu may duwa ka tawu. Sinugu niya sida tigudwa tigudwa hampay mag-una sa kanya atag sa kada banwa hanggan kada pinuru tawu kay gayak diman atihan.

Lukas 10:33

“Dapat may tawu taga Samarya nalakaw ati pag dalan. Nakitan niya ati ti tawu mabugtangan, ag naawa gid siya.

Lukas 17:16

Napadapa siya sa atubangan ni Hisus magpasalamat sa kanya. Usa ka taga Samarya siya pag tawu.

Lukas 9:1

Tinipun ni Hisus kay sampulu may duwa ka tuludluan, bag-u kay pinakan-an kapangyarihan ag karampatan magpalayas manga labang, hanggan magpaayad sa may manga sakit.

Lukas 9:2

Bag-u sinugu niya sida hampay kanda itudlu magkun, “Diyus ti maghari sa tanan bagay.” Ag hampay magpaayad sida sa may manga sakit.

Huwan 17:18

Kang sinugu sida tag sa kalibutan, parihu diman ga kanmu nagsugu sa kangku atag sa kalibutan.

Huwan 20:21

Sinabi maan ni Hisus sa kanda magkun, “Pagmay kahusayan duy kamu. Parihu sa kay nagsugu Ama sa kangku, katunda diman waydi pagsuguun niku kamu tabug sa manga tawu taga kalibutan.”

Huwan 4:20

Kanmi manga ginurang nagsamba sa Diyus sa inda pag bantud. Dapat pagsabihun niyu pag manga Hudiyu kuntay ati di sa Hirusalim kailangan magsamba sa Diyus ti manga tawu.”

Huwan 4:5

Pagka sa daga Samarya, linmakaw si Hisus sa usa ka banwa kay ngaran Sikar, balaw arayu sa kan Hakub kaybi waya itinayak pag daga sa kay anak sa kan Husi.

Huwan 4:9

Magkun ti babayi sa kan Hisus, “Hudiyu kawu, aku taga Samarya. Kabitay kawu pag makahagad danum sa kangku?” Dahil ti manga Hudiyu balaw makapaminsan sa manga taga Samarya.

Huwan 7:35

Bag-u nagharampangan ti manga pinunu Hudiyu magkun, “Naan tag nguna inda pag tawu kay gayak nakan unman makitan nita siya? Barang siya atag sa luwas daga Israil sa manga Hudiyu mag-uli sa manga banwa manga balaw Hudiyu bag-u manudlu sa manga balaw Hudiyu.

Huwan 8:48

Sinabi manga Hudiyu sa kan Hisus magkun, “Bukun ngap salan kanmi pagkumnun kawu Samaritanu, inapuan paman labang.”

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 10:45

Nadulaw gid kan Pidru kaibahan pag manga patar-ari Hudiyu. Una maaw sa manga balaw Hudiyu ipinakaun Diyus ti Ispiritu Banal.

Binwat 8:1

Pinasnuan yi waydi ni Saulu hampay matyun yi ngani si Istiban. Ati katpung pag sirang nag-umpisa ti mahigpit pag-unuunu laban sa iglisya sa Hirusalim. Purya lang ti manga apustul, ti tanan manga nagsarig sa kan Hisus nangalat yi sa tanan rugar sa Hudiya hanggan sa Samarya.

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.