Matiyu 10:36 - Hanunuu

³⁶ Kay kalaban tawu ginan ngap sa kay kasunu balay.

Matiyu 10:36 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

2 Samwil 16:11

Magkun si Dabid sa kan Abisay hanggan sa tanan takinan niya, “Nu kang anak ngani naggayak mumatay sa kangku, lalu wadi inda pag katawuhan ni Saul. Sinugu siya Panginuun nakan pabay-ani lang niyu siya.

Kanta 41:9

Una kang suud kakilala, ti pagsarigan gid niku, ag magsaru sa kangku sa magkaun, nandaya sa kangku.

Kanta 55:13

Dapat kang gid ngap kaparihu, kaibahan, ag suud kakilala ti magsurug sa kangku.

Isayas 19:2

Magkun ti Panginuun, “Palabanun niku ti manga taga Ihiptu: Patar-ari laban sa patar-ari, kamalay laban sa kamalay, banwa laban sa banwa, ag kaharian laban sa kaharian.

Hirimyas 12:6

Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Mikas 7:6

Dahil sa kainda katpung, ti anak lalaki udyi maggalang sa kay ama, ti anak babayi maglaban sa kay ina, ti umagad babayi maglaban diman sa kay manugang babayi. Ti kalaban usa ka tawu kay yi kasunu balay.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Huwan 13:8

Magkun si Pidru, “Una kapira aban danga gid kawu ti mag-ugas kang manga lulud.” Sinabi ni Hisus sa kanya magkun, “Nu unman kang ugasan kanmu manga lulud, dayu kawu makapaminsan sa kangku.”

1 Samwil 17:28

Pagka nadnugan ni Ilyab (kay aka ni Dabid) maghampang si Dabid sa manga tawu, nangisug gid siya. Sinabi niya sa kan Dabid, “Hayga kawu nagsitaytag? Si unu kanmu ipinabantay sa kanta manga karanidu sa pangawakawaan pira-pira wadi ngani ka bilug? Kanmu isip ga si unu yi gid kawu. Alam niku nu kabitay kawu kayabang. Nagsitaytag lang kawu hampay manuud labanan.”