Matiyu 10:32 - Hanunuu

³² Sinabi ni Hisus magkun, “Una si unu ti magkilala sa kangku kay Panginuun sa atubangan manga tawu, kilalan-un diman waydi niku sa atubangan niku Ama sa langit.

Matiyu 10:32 Iomraidhean Croise

Kanta 119:46

Unman aku mangay-a mamagaw kanmu manga tultulanun una waya sa manga hari.

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Lukas 15:10

Magkun si Hisus, “Kang sabi sa kanyu katunda diman waydi magbaya ti manga anghil Diyus nu may usa ka tawu nag-ampu kay kasalanan bag-u naghagad kapatawadan sa Diyus.”

Huwan 9:22

Nakan katida ti binagaw manga gurang niya, dahil magkadala sida sa manga pinunu Hudiyu magkun nu may tawu magsabi si Hisus ti Pinili Diyus Manugribri pag Hari, siya ipalwas ginan sa simbahan manga Hudiyu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

1 Huwan 4:15

Una hintay pag tawu tigpasnu hanggan magtudlu kuntay si Hisus yi ngani ti Anak Diyus, nangulian yi sa kanya ti Diyus ag siya unman mag-iblag sa Diyus.

Ipinakakit 2:13

Alam niku siyun pag mag-uli kawu sa ulian ni Satanas sa kay kaharian. Dapat marig-un di kanmu pagsarig sa kang ngaran. Balaw ipinaulam nimu kanmu pagsarig sa kangku madi minatay nida kang matinupadun pag suruguun si Antipas sa banwa nimu, sa ulian diman waydi ni Satanas.

Ipinakakit 3:5

Ti manalu pag tawu imaw ti makasulung rutay malagti. Dayu bul-un niku kay ngaran ginan sa ribru kabuhian. Magkakilala niku siya sa atubangan niku Ama hanggan sa atubangan niya manga anghil.

1 Samwil 2:30

Aku, kanyu Panginuun, ti Diyus Israil, nantaratu kaybi kuntay kamu lang hanggan kanyu manga ginurang linahi ti makasirbi sa kangku bilang manughandug tugka aban. Dapat unman yi mahimu taynguna, dahil kilalan-un niku ti magkilala sa kangku, dapat kang dayuun ti magdayu sa kangku.