Matiyu 10:3 - Hanunuu

³ bag-u sida ni Pilipi, ni Bartulumi, bag-u si Tumas, bag-u si Matiyu ti manunukut buhis, bag-u si Santiyagu kan Alpiyu anak, bag-u si Tadiyu,

Matiyu 10:3 Iomraidhean Croise

Matiyu 18:17

Nu unman siya maniwala sa kanda, sabiha yi nimu sa iglisya. Nu unman gid siya maniwala sa iglisya, ipaparihu nimu siya sa manga unman magsarig sa Diyus ag sa manga manunukut buhis.

Matiyu 27:56

Minsan sa kanda si Marya Magdalina hanggan si Marya kay ina nida ni Santiyagu, ni Husi hanggan kay ina nida ni Huwan, ni Santiyagu, ti manga anak Sibidiyu.

Matiyu 9:9

Nighit si Hisus siyun ginan pag rugar. Sa kay maglakaw nakitan niya ti usa ka tawu kay ngaran si Matiyu, matukawan sa panukutan buhis. Magkun si Hisus sa kanya, “Pagkuyug kawu sa kangku.” Nagtindug si Matiyu bag-u kinmuyug yi ngani sa kan Hisus.

Markus 15:40

May manga babayi diman siyun magbantay ginan sa arayu. Minsan sa kanda si Marya Magdalina hanggan si Marya kay ina nida magtar-ari ni Husi ni Santiyagu, hanggan si Salumi siyun diman.

Markus 2:14

Sa kay naglakaw nakitan niya si Libi kan Alpiyu anak matukawan sa suruktan buhis. Magkun si Hisus sa kanya, “Pagkuyug duy kawu sa kangku.” Nagtindug si Libi nagkuyug ngani sa kan Hisus.

Markus 3:18

Bag-u si Andiris, si Pilipi, si Bartulumi, si Matiyu, si Tumas, si Santiyagu kan Alpiyu anak, si Tadiyu, si Simun (imaw ti pagsabihun makabayan),

Lukas 18:10

Magkun si Hisus, “May duwa ka lalaki nag-ati sa Balay Diyus hampay magdarangin. Parisiyu kay usa, kay usa manunukut buhis.

Lukas 18:11

Matindugan ti Parisiyu magdarangin sa kay sadili magkun, ‘Diyus, magpasalamat aku sa kanmu, dahil balaw aku ga iba pag tawu, balaw aku magtakaw, balaw aku maradaya, balaw aku marauragin, balaw diman aku ga tunda pag manunukut buhis.

Lukas 18:13

“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”

Lukas 19:2

Asan may usa ka lalaki kay ngaran si Sakiyu, takinan manga manunukut buhis. Siya usa ka mayaman.

Lukas 5:27

Pagka dugay nagluwas si Hisus sa balay, nakitan niya si Libi pag manunukut buhis matukawan sa suruktan buhis. Sinabi ni Hisus sa kanya magkun, “Pagkuyug duy kawu sa kangku.”

Huwan 1:48

Bag-u pinaingana ni Natanail sa kan Hisus magkun, “Kabitay duy kawu pag nakakilala yi sa kangku?” Sinmagut si Hisus magkun, “Pagka udwaya kawu bin-ul ni Pilipi, daan yi duy kawu nakitan niku kanmu waya sa sirung puun igus.”

Huwan 11:16

Si Tumas, imaw ti binansagan Siing, nagsabi sa kay kaparihu tuludluan magkun, “Pagkuyug waydi kita sa kanta Maisturu hampay minsan diman sa kanya kita pag mamatay.”

Huwan 14:22

Bag-u si Hudas (bukun si Hudas Iskariyuti) pinmaingana sa kan Hisus magkun, “Panginuun, kabitay duy pag ipakilala nimu kanmu sadili sa kanmi lang ag unman hanggan sa manga taga kalibutan?”

Huwan 14:5

Sinabi ni Tumas magkun, “Panginuun, unman nimi alam nu naan tag kawu. Kabitay pag maalaman nimi ti dalan?”

Huwan 14:9

Sinabi ni Hisus sa kanya magkun, “Dugay yi aku pag kaibahan niyu. Udwaya aw lugud nakilala nimu aku, Pilipi? Ti tawu nu nakakit sa kangku, nakitan yi niya hanggan ti Ama. Hayga duy pagsabihun nimu magkun, ‘Ipakakit nimu sa kanmi ti Ama’?

Huwan 21:2

Ati katpung mirinsan sida ni Simun Pidru, ni Tumas kay bansag Siing, si Natanail taga Kana sa Galiliya, hanggan kay manga anak ni Sibidiyu, bag-u may duwa waya ka tuludluan ni Hisus siyun.

Binwat 1:13

Pagka rinmas-ug yi sida sa banwa Hirusalim, nagsaka sida sa kanda dinayunan pag balay sa sulud-sulud sa ikadwa pag ugpu salug. Sida ngani ni Pidru, ni Huwan, ni Santiyagu, ni Andiris hanggan sida ni Pilipi, ni Tumas, sida ni Bartulumi, ni Matiyu hanggan si Santiyagu kan Alpiyu anak, si Simun (imaw ti pagsabihun makabayan), hanggan si Hudas kan Santiyagu anak.

Binwat 12:17

Pinaamanan niya sida danga maingay bag-u kay itinultul sa kanda nu kabitay siya pag ipinalwas Panginuun ginan sa pirisuhan. Binilinan niya sida magkun, “Ibarita niyu inda sa kan Santiyagu hanggan sa manga patar-ari.” Bag-u nighit si Pidru tag sa iba rugar.

Binwat 15:13

Pagka natapus kanda ni Birnabi ni Pablu tultulanun, si Santiyagu maan ti nagbagaw magkun, “Manga patar-ari, pagpatingi kamu sa kangku.

Binwat 21:18

Pagka sa usa ka sirang, nansabang kami ni Pablu sa kan Santiyagu. Siyun diman hanggan ti manga manug-asiwa iglisya.

Galasya 1:19

Unman aku may nakitan iba apustul nu unman si Santiyagu lang kay patar-ari Panginuun.

Galasya 2:9

Ti manga pagkumnun pinagkatulduk iglisya, sida ni Santiyagu, ni Pidru, ni Huwan. Naintindihan waydi nida inda pag katungkulan ipinakaun Diyus sa kangku. Nakan kami ni Birnabi kanda tinanggap ga kanda diman, parihu kami manugtudlu. Kanmi pinagkasunduan kami sa manga balaw Hudiyu, sida bay sa manga Hudiyu.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.