Matiyu 10:24 - Hanunuu

²⁴ “Unman may tuludluan mataas man sa kay maisturu, unman may panawuhun mataas man sa kay amu.

Matiyu 10:24 Iomraidhean Croise

2 Samwil 11:11

Magkun si Uryas, “Ti Kaban Kasunduan Diyus hanggan ti manga sundalu Israil ag Huda ati duy sa manga kampu sa karatagan, ag ati diman kanmi kumandir si Huab hanggan ti manga may kangaranan niya. Maagwanta aw lugud niku muli sa kanmi agud mangaun, manginum ag mangulid sa kang asawa? Pag-itaratu niku sa kanmu balaw niku tunda mabwat!”

Matiyu 10:25

Makabaya ti tuludluan nu pumarihu sa kay maisturu, makabaya diman ti panawuhun nu pumarihu siya sa kay amu. Nu ti puun magtal-anakan pag-ingarnan Biilsibul, lalu waya pagmuransahun kay manga kaibahan.”

Lukas 6:40

Balaw mataas sa kay maisturu ti tuludluan. Dapat ti kada usa nu tinudluan yi lubus, siya aban parihu yi sa kay maisturu.

Huwan 13:16

Ungud duy kang pagsabihun sa kanyu, unman may panawuhun mataas man sa kay amu. Ag unman may sinugu mataas man sa nagsugu sa kanya.

Huwan 15:20

Alalahana di gid niyu kang binagaw sa kanyu magkun, unman may panawuhun mataas man sa kay amu. Nu aku kanda inunu-unu, unu-unuhun diman nida kamu. Nu sida naniwala sa kang manga itinudlu, paniwalaan diman nida kanyu manga pag-itudlu sa kanda.