Matiyu 10:23 - Hanunuu

²³ Nu unu-unuhun kamu manga tawu sa usa ka banwa, pagpalagiw yi kamu tag sa usa maan ka banwa. Ungud duy kang pagsabihun sa kanyu, unman waya napalibut niyu ti tanan pag manga banwa sa Israil, rumas-ug yi aku, ti Anak Tawu.

Matiyu 10:23 Iomraidhean Croise

Hirimyas 26:21

Pagka nadnugan ni Hari Hihuyakim hanggan tanan may kangaranan ag manga manugpamahala niya ti pagsabihun ni Uryas, ginayak nida matyun siya. Dapat naalaman inda ni Uryas, nakan nalagiw siya atagbug sa Ihiptu dahil sa kadalaan.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 2:13

Pagka ginminan yi tunda pag manga madunung pag tawu, ti usa ka anghil Panginuun napakakit sa kan Husi sa kay tagin-up magsabi, “Pagbangun kawu, daran-a yi ti anak hanggan kay ina, pagpalagiw yi kamu tag sa Ihiptu. Pag-ati dapu kamu hanggan sa ud sumabi maan aku sa kanmu, dahil hanapun ni Hirudis ti anak hampay kay matyun.”

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Matiyu 23:36

Ungud duy kang pagsabihun sa kanyu, ti parusa sa tanan inda mitama sa inda pag manga tinubu tawu.”

Matiyu 24:27

Nu kabitay ti kilat kay kabisug kay magbalagit ginan sa butlakan hanggan isalpan, katunda diman waydi kay pagsitay Anak Tawu.

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Matiyu 24:34

Ungud duy kang pagsabihun sa kanyu, dayu mamatay inda pag manga tinubu tawu hanggan sa ud matupad inda tanan-tanan kang sinabi.

Matiyu 24:48

Dapat nu alangan tunda pag panawuhun, mag-isip yi siya sa kay sadili, dugay waya bag-u bumalik kang amu.

Matiyu 25:13

Magkun si Hisus, “Nakan ngani pag daan kamu alistu, dahil unman niyu alam ti sirang ngatay udas niku pagras-ug.”

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Matiyu 4:12

Pagka nadnugan ni Hisus si Huwan dinakup yi, nag-ati siya sa Galiliya.

Markus 13:26

Bag-u makitan nida ti Anak Tawu rumas-ug padara sa rurum may daka pag kapangyarihan hanggan kadayawan.

Lukas 18:8

Pagsabihun niku sa kanyu, madali gid siya umawat sa kanda hampay may matarung. Dapat nu bumalik aban ti Anak Tawu may mag-akitan aw nguna siya aban manga tawu magsarig sa kanya sitay sa babaw daga?”

Lukas 21:27

Ati katpung aban makitan nida ti Anak Tawu rumas-ug padara sa rurum, may kamaskihan hanggan daka pag kadayawan.

Huwan 7:1

Bag-u namalibutan nanudlu si Hisus sa daga Galiliya. Unman siya may gustu mamalibutan sa manga banwa sa daga Hudiya, dahil ti manga pinunu Hudiyu maghanap yi paraan hampay siya kanda matyun.

Binwat 17:10

Ati katpung pag yabi pinaighit manga patar-ari sida ni Pablu ni Silas ginan sa Tisalunika atag sa banwa Biriya. Pagka sida rinmas-ug sa Biriya, sinmaka sida sa simbahan manga Hudiyu.

Binwat 17:14

Nakan susun pinaighit manga patar-ari si Pablu atag sa baybay dagat. Dapat sida ni Silas ni Timutiyu siyun di sa Biriya.

Binwat 20:1

Pagka nakalawuy ti kaguluhan, pinatipun ni Pablu ti manga patar-ari, pinarig-un niya kanda pagsarig sa kan Hisus. Bag-u siya namaalam sa kanda, nag-ati tabug sa Masidunya.

Binwat 8:1

Pinasnuan yi waydi ni Saulu hampay matyun yi ngani si Istiban. Ati katpung pag sirang nag-umpisa ti mahigpit pag-unuunu laban sa iglisya sa Hirusalim. Purya lang ti manga apustul, ti tanan manga nagsarig sa kan Hisus nangalat yi sa tanan rugar sa Hudiya hanggan sa Samarya.