Matiyu 10:20 - Hanunuu

²⁰ Dahil balaw kamu ti bumagaw, nu unman ti Ispiritu niyu Ama ti pumabagaw sa kanyu.

Matiyu 10:20 Iomraidhean Croise

2 Samwil 23:2

“Nagbagaw ti Ispiritu Panginuun sa panab-anan niku; kay manga bagaw atay sa kang bibig.

Pag-ighit 4:12

Nakan paglakaw yi, dahil awatan niku kawu sa pagbagaw ag itudlu niku sa kanmu ti manga sarabihun nimu.”

Matiyu 6:32

Dahil tunda pag manga bagay pagkaaburiduhan manga tawu udwaya magpasakup sa Diyus. Magkaalaman kabay niyu Ama sa langit kamu may kailangan tunda tanan pag manga bagay.

Markus 12:36

Inudyukan Ispiritu Banal si Dabid nakan sinabi niya magkun, ‘Sinabi Panginuun sa kang Panginuun, Pagtukaw kawu sitay baliwa sa kang sikun, Pagpaminsan sa kang karampatan hanggan sa udwaya mabuwat niku kanmu manga kalaban ga tarat-an lang nimu manga lulud.’

Lukas 11:13

Madi kamu manga makasalanan, madunung diman kamu magpakaun mayad pag pakaun sa kanyu manga anak. Lalu ipakaun niyu Ama sa langit ti Ispiritu Banal sa tawu nu maghagad sa kanya.”

Lukas 12:12

Dahil itudlu Ispiritu Banal sa kanyu sa ati katpung ti dapat niyu sabihun.”

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Binwat 13:9

Lubus sinuldan Ispiritu Banal si Saulu, kay usa ka ngaran si Pablu. Tinurun gid ni Pablu si Ilimas,

Binwat 2:4

Sida tanan lubus sinuldan Ispiritu Banal. Bag-u nag-umpisa sida nagbagaw sa tuhay-tuhay pag pamagaw sigun sa kay pakaun Ispiritu pag kadunungan sa kanda.

Binwat 28:25

Nakan unman magkabuu kanda naisipan. Pagka sida magkaginan yi, inda wadi kan Pablu sinabi sa kanda magkun, “Tama gid duy kay ipinabagaw Ispiritu Banal sa kan Purupita Isayas tag sa kanyu manga ginurang, magkun,

Binwat 4:8

Bag-u si Pidru, lubus sinuldan Ispiritu Banal, nagsagut sa kanda magkun, “Kamu duy pag manga pangulu ag manga paggurangunun manga Hudiyu,

Binwat 6:10

Dapat mahal ngap pag kadunungan kay ipinakaun Ispiritu Banal sa kan Istiban nakan unman gid kaya nida taluhun siya.

2 Kurintu 13:3

Inda kang gid buwatun hampay may puruyba sa kanyu kuntay aku kay pinagkabibig ni Kiristu. Balaw diman malumuy siya sa kay buwat tungkul sa kanyu. Bagkus ngap siya makamaskihan sa kanyu karaw-an.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.

2 Pidru 1:21

Dahil unman may ipinurupita nu ginan lang sa kagustuhan tawu. Inda pag bagaw ginan gid sa Diyus ag binagaw manga tawu angay sa udyuk Ispiritu Banal.