Matiyu 10:18 - Hanunuu

¹⁸ Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Matiyu 10:18 Iomraidhean Croise

Kanta 119:46

Unman aku mangay-a mamagaw kanmu manga tultulanun una waya sa manga hari.

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 10:19

Pagka kamu ipabahala nida sa husgadu, danga kamu magkakuri sa kanyu sarabihun nu kabitay kanyu bagawun. Pagka ati katpung pag udas, itudlu di waydi Ispiritu Banal sa kanyu ti dapat niyu sabihun.

Matiyu 8:4

Binilinan siya ni Hisus magkun, “Danga pagsabiha nimu inda una sa kantapu pag tawu. Pag-atag kawu, pagpakakit kawu sa manughandug. Bag-u pagpakaun kawu handug sa Diyus angay sa kay ibinilin ni Muysis, bilang usa ka puruyba sa manga tawu nag-ayad yi kawu.”

Markus 13:9

“Pag-andam kamu. Dahil kamu ipasintinsiya aban sa Katipunan manga Pinunu. Kamu kanda hampakun sa manga simbahan manga Hudiyu. Ipaatubang kamu sa manga gubirnadur hanggan sa manga hari dahil sa kangku hampay kamu tumultul tungkul sa kangku sa kanda atubangan.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 11:7

Dapat nu nakatapus sida nakapadakit yi Bagaw Diyus, lumuwang ti Hayup Malangas ginan sa kaabasad-basadan bag-u lumaban siya sa kanda kay taluhun ag matyun.

Ipinakakit 6:9

Binukasan maan Anak Karanidu ti ikalima pag kula bag-u nakitan niku ti surunugan manga pag-isagda sa Panginuun. Sa kay sirung surunugan nakitan niku ti manga karadwa manga tawu minatay dahil sa Bagaw Diyus ag dahil sida matinupadun sa kanda magpadakit.