Matiyu 10:17 - Hanunuu

¹⁷ Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 10:17 Iomraidhean Croise

Mikas 7:5

“Dahil sa lantap yi ti kadautan, danga yi kamu magpaniwala sa kanyu kaparihu una sa kanyu kakilala. Pagdahan kamu sa kanyu pagsabihun sa iba una sa kanyu pagmahalun pag asawa.

Matiyu 10:18

Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Matiyu 20:19

Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Matiyu 26:59

Ti manga pangulu manughandug hanggan ti buu Katipunan manga Pinunu naghanap manga kastigus pudilun laban sa kan Hisus hampay masintinsiyahan siya sa kamatayan.

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Markus 13:12

May tawu pumakampi sa kalaban bag-u itudlu kay patar-ari hampay matyun. Katunda diman ti buwatun ama sa kay anak. Labanan waydi manga anak kanda manga gurang, kanda diman waydi ipamatay.

Markus 13:9

“Pag-andam kamu. Dahil kamu ipasintinsiya aban sa Katipunan manga Pinunu. Kamu kanda hampakun sa manga simbahan manga Hudiyu. Ipaatubang kamu sa manga gubirnadur hanggan sa manga hari dahil sa kangku hampay kamu tumultul tungkul sa kangku sa kanda atubangan.

Lukas 12:11

Nu kamu darahun sa simbahan manga Hudiyu hampay bistahun una sa atubangan manga Pinunu una sa atubangan manga gubirnadur, danga kamu magkakuri nu kabitay ti isagut ngatay nu hintay kanyu sabihun.

Huwan 11:47

Nakan nagtiripun ti manga Parisiyu, ti manga pangulu manughandug hanggan ti manga Katipunan manga Pinunu bag-u sida nagpululungan magkun, “Hintay kanta buwatun? Dahil mayamu pag manga makapangyarihan pag tanda kay pagbuwatun tunda pag tawu.

Huwan 16:2

Ipalwas kamu aban manga Hudiyu ginan sa kanda manga simbahan. Aban humantup ti manga tawu tinupad nida ti buruwatun Diyus nu kamu kanda minatay.

Binwat 17:14

Nakan susun pinaighit manga patar-ari si Pablu atag sa baybay dagat. Dapat sida ni Silas ni Timutiyu siyun di sa Biriya.

Binwat 22:19

Sinabi niku sa kanya magkun, ‘Panginuun, alam yi gid waydi nida nu kabitay nanalapudan aku sa simbahan manga Hudiyu hampay ipapirisu, saktan ti manga nagsarig sa kanmu.

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

Binwat 9:2

Nanhagad siya manga surat hampay ipakilala siya sa manga pangulu simbahan manga Hudiyu ati sa banwa Damasku. Bag-u nu ati yi siya ag nu may makitan siya manga tawu, una lalaki una babayi magsunud sa bag-u itinudlu ni Kiristu, mahimu kay dakpun bag-u darahun tag sa Hirusalim.

Pilipus 3:2

Pag-aman kamu sa manga tawu magbuwat daut, kanda ugali ga idu. Amanan niyu tunda pag manga tawu imaw tig biyag sa bilug.

2 Timutiyu 4:15

Pag-aman kawu sa kanya dahil magpakaampara siya sa Mayad pag Barita kanta pag-itudlu.

Hibriyu 11:36

Inagwanta manga iba ti libak, ti hampak, hanggan ti tarikada sa kanda pagkapirisu.