Matiyu 10:16 - Hanunuu

¹⁶ Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.

Matiyu 10:16 Iomraidhean Croise

Gimpuunan 3:1

Sa tanan pag hayup linalang Panginuun Diyus, ti ulay ti pinakamadaya. Ati katpung, nagpaingana ti ulay sa babayi, “Ungud aw duy pag-irangan kamu Diyus magkaun una hintay pag burak kayu sa halamanan?”

Gimpuunan 3:13

Pinaingana Panginuun Diyus ti babayi, “Hintay inda kanmu binwat?” Nagsagut ti babayi, “Dinaya ngani duy aku ulay, nakan aku nagkaun.”

Nihimyas 4:13

Nakan nagpauli aku manga tawu hampay magtanud sa pinakaababa pag bahagi alad batu madali suldun. Ipinatanud niku sida ati magkagurupu sa kada magtal-anakan, may manga armas sida — manga baladaw, bangkaw ag pamana.

Hirimyas 40:16

Dapat magkun si Gidalyas kay anak ni Ahikam tag kan Huhanan, “Danga nimu pag buwata tunda. Balaw tutuu ti pagsabihun nimu tungkul sa kan Ismail.”

Husyas 7:11

Parihu sida sa kalampati; madali lang lukuhun ag unman may pan-intindi. Maghagad sida awat sa Ihiptu, nu kas-a sa Asirya.

Matiyu 24:25

Tandai gid niyu, dahil udwaya nangyari tunda, ipinasandam yi niku daan sa kanyu.

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Matiyu 25:2

Ti lima kurang kay intindi, kay lima bay mapininsarun.

Matiyu 25:4

Dapat ti manga mapininsarun may dara lana tuhay waya sa kay manga sulul-an.

Matiyu 25:9

Magkun ti manga mapininsarun, ‘Barang dayu kumang-ud inda pag lana sa kanta tanan. Mayad waya nu kamu umati sa manugtinda lana, pagbili kamu para sa kanyu.’

Lukas 10:3

Paglakaw yi gid kamu, malu pagsuguun niku kamu ga manga anak karanidu tag sa karaw-an masimarun idu.

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Binwat 20:29

Alam niku duy, nu sa kang uryan may rumas-ug sa kanyu karaw-an manga tawu kanda ugali ga manga simarun idu, ag unman may pangaawa sa kanda. Dautun gid nida ti iglisya.

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

2 Kurintu 11:14

Unman waydi kailangan paglingutan nita tunda. Dahil una si Satanas madunung magpanaguabi kuntay siya anghil karayawan.

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

2 Kurintu 8:20

Mag-aman kami hampay unman may masabi una si unu tungkul sa kanmi mag-asikasu sa daka pag abuluy inda.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 4:5

Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

1 Tisalunika 2:10

Alam niyu, alam diman waydi Diyus, kanmi ugali buhi matinupadun, mayad ag unman may ikasabi sa kanmi pakiusa sa kanyu sa manga magsarig yi sa kan Kiristu.

1 Tisalunika 5:22

Pagpakarayu kamu sa una hintay pag kalasi kadautan.