Matiyu 10:14 - Hanunuu

¹⁴ Nu balaw kamu tanggapun una patingihan sa usa ka balay aw ngatay banwa, pag-ighit yi kamu siyun ginan. Bag-u pagpagun niyu ti galbuk sa kanyu raprapa bilang pasandam laban sa kanda.

Matiyu 10:14 Iomraidhean Croise

Nihimyas 5:13

Ipinagpag niku kang kulimpay sa kang awak bag-u magkun, “Kainda mana ti buwatun Diyus sa kanyu balay hanggan kasiyunan nu unman niyu tupadun kanyu itinaratu. Mana duraun niya inda tanan sa kanyu.” Ti tanan tawu ati nagsagut, “Katida yi ngap!” Bag-u dinayaw nida ti Panginuun. Ag tinupad manga takinan hanggan manga may kangaranan kanda itinaratu.

Matiyu 10:13

Nu ungud pagtanggapun nida kamu, papaladan niyu sida. Dapat nu unman, danga niyu pag papaladi.

Matiyu 18:5

Una hintay tigtanggap sa tawu mapinakumbabaun ga anak dahil sa kangku, aku yi ngap kay tinanggap.”

Markus 6:11

Ag una naan pag banwa nu dayu kamu tanggapun hanggan patingihan, pag-ighit yi kamu siyun ginan, pagpaga ti galbuk ginan sa kanyu raprapa bilang paandam sa kanda magdayu sa Diyus.”

Markus 9:37

“Una si unu pag tawu ti magsunud sa kangku ag pakan-an niya halaga ti usa sa manga kainda pag diit anak, aku di ngap kay pinakan-an halaga. Una si unu pag tawu nu pakan-an niya halaga aku, balaw lang aku kay pinakan-an halaga nu unman ti nagsugu diman ngap sa kangku.”

Lukas 9:48

Sinabi niya sa kanda, “Una si unu pag tawu ti magsunud sa kangku ag pakan-an niya halaga inda pag diit anak, aku di ngap kay pinakan-an halaga. Una si unu pag tawu nu pakan-an halaga niya aku, napakan-an waydi niya halaga ti nagsugu sa kangku. Dahil ti pinakaababa sa kanyu tanan imaw yi ngap ti mataas.”

Lukas 9:5

Una naan pag banwa nu unman pagtanggapun kamu manga tawu, pag-ighit yi kamu siyun ginan, pagpaga niyu ti galbuk ginan sa kanyu manga lulud bilang puruyba sa kanda magdayu sa Diyus.”

Huwan 13:20

Ungud duy kang pagsabihun sa kanyu, tigtanggap sa una hintay pag tawu kang sinugu, magtanggap diman sa kangku. Tigtanggap sa kangku, kay tanggapun diman niya ti nagsugu sa kangku.”

Binwat 13:51

Nakan pinagpag nida duwa ti galbuk ginan sa kanda lulud ga tanda laban sa manga tawu nag-unuunu sa kanda, bag-u nag-atag sida ni Pablu sa banwa Ikunyu.

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.